“Yuventus” klubi himoyachisi Dani Alves “Barselona” (0:0) bilan bo'lgan EChL chorak final javob bahsi haqida o'z fikrlarini bildirib o'tdi. Turin klubi birinchi o'yindagi (3:0) g'alabasi evaziga yarim finalga yo'l oldi.
“Bu o'yin qiyin kechdi, ammo jamoa va jamoadoshlarim uchun xursandman. Ha, bu kecha kimlarningdir hafsalasini pir qildim, chunki, “Kamp Nou”da ajoyib xotiralar qolgan. Eng og'iri do'stlaringni yomon kayfiyatda ko'rish, ammo bu kasbimizning bir qismi”, – deydi Alves.
“Neymarga bu futbol ekanligini aytdim. Har birimiz o'z jamoamiz sharafini himoya qildik. Neymar xafa bo'lishi kerak emas. U bu mag'lubiyat bilan to'xtab qolishmasligi zarur”.
— deya xabar beradi uff.uz nashri.