Ha, hayotdagi kabi futbol dunyosida ham yillar o'tsada, tashqi ko'rinish bo'yicha uncha o'zgarmagan odamlar topiladi, albatta. Jon Terri, Franchesko Totti, Fabio Kapello... To'g'ri, har bir inson ulg'ayib borar ekan, organizmdagi o'zgarishlar uning qiyofasida ham aks etadi. Ammo bu jarayon har kimda turlicha bo'ladi: kimdir tezda «qariydi», boshqa birovda o'zgarish uncha sezilmaydi. Quyidagi fotojamlanma aynan ikkinchi toifaga mansub futbolchilarni o'z ichiga olgan. Jon Terri - «Temir Jon». Ha, Angliyada Terriga bejiz «Temir Jon» ta'rifini berishmagan. Mana, yillar ortidan yillar o'tyapti, irodasi bukilmas himoyachi esa hamon Evropaning eng kuchli jamoalaridan biri safida javlon urmoqda. Jon qarimaslikning eng effektli yo'lini topganday, go'yo. Franchesko Totti - «Rim imperatori». Oradan 16 asr o'tib, Rimda imperator maqomini yana rasman ta'sis etishdi, hisob. Betakror Totti chorak asrki, poytaxt futbolida hukmronlik qilmoqda. Xullas, u boshqaruv muddati masalasida qadim Rimning  ko'plab etakchilaridan o'zib ketdi. Bir qarashda, Franchesko sira o'zgarmaydigandek. Mangu shaharga mos keluvchi «abadiy» imperator. Filippo Inzagi - «Pippogol». Inzagi samarali faoliyati davomida 7 marta jamoa almashtirdi. Xususan, «Parma»da ham, «Yuventus» va «Milan»da ham to'p surdi. Bu vaqtda 2ta holat o'zgarishsiz qoldi - «Pippogol»ning qiyofasi va  maydonda mudom ochiq zonaga chiqib borishi. Xaver Zanetti - «Abadiy neradzurra». Zanetti bir safar shunday degandi: «Sochimga teginadigan kishini aslo yoqtirmayman. Zero, bu shaxsiy hayotimning bir qismi». Hozir ham «Inter» afsonasi va sobiq sardori boshida birorta oq tolani ko'rmaysiz. Ozgina mubolag'a bilan aytganda, Zanettining ikki davrda tushgan suratini faqat egnidagi liboslar dizayniga qarab ajratish mumkin. Diego Simeone - «Argentina buldogi». Simeone - nafaqat tashqi qiyofa bo'yicha, balki qalban ham qarimayotman inson. Diego 90-yillarda maydonda raqiblarini sergak turishga majbur etardi, endi esa uning chetida shogirdlarini tinmay olg'a undamoqda. Agar vaqt mashinasi ixtiro qilinib, uning yordamida Simeone-murabbiy va Simeone-futbolchi o'rni almashtirib qo'yilsa, ko'pchilik buni sezmasdi, hatto... Pol Skoulz - «Abadiy malla». Mallasoch bolakay «MYu» mashg'ulotida ilk marta to'pga teginganidayoq shotlandiyalik buyuk murabbiy Aleks Fergyuson ro'parasida noreal iqtidor turganini tushungan ekan. Keyinchalik Pol Skoulz naq 20 yil davomida zargarona diagonal uzatmalarni amalga oshirishdan charchamadi va necha-necha golkiperlar dodini berdi. Uning ijrosidagi takrorlanmas zarbalarni bir eslang... Fabio Kapello - o'ta boy murabbiy. Don Fabio qiyofasi o'zgarmoqda, albatta. Axir u 70 yoshni urib qo'ydi. Ammo sochiga hali oq oralaganicha yo'q. Buning siri nima? Omadli faoliyat (20tadan ko'p sovrin yutgan) va manfaatli shartnomalar (ruslar kelishuvni muddatidan vaqtli bekor qilishgani uchun unga 15 mln. evro to'lashdi)mi? Rivaldo - «Janob bisiklet».  Bu hali hammasi emas, davomi: www.iff.uz da InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.