Avval xabar berib o'tganimizdek, 2006 yilda tug'ilgan bolalar o'rtasida futbol festivali o'tkazilmoqda.
Turnirda ishtirok etayotgan barcha to'rtta jamoa bir-birlari bilan o'zaro kuch sinashishadi. Bugun festivalning birinchi kun o'yinlari bo'lib o'tdi. “Yoshlik” arenasida o'tgan birinchi bahsda “Lokomotiv” va “Paxtakor” futbol maktablari tarbiyalanuvchilari bahslashishdi. Qiziqarli kechgan bahsda paxtakorchilar 2:0 hisobidagi g'alabani qo'lga kiritishdi.
Shundan so'ng, ikkinchi juftlik jamoalari – “Bunyodkor” va “Spartak” o'zaro bellashishdi. Ushbu uchrashuv ham yig'ilganlarda juda yaxshi taassurot qoldirdi. 2:0 hisobida “Bunyodkor-2006”ga g'alaba keltirgan bahsda gollarga Abdurahim Ismoilov va Azizbek To'lqinbekov mualliflik qilishdi.
O'yin yakuniga ko'ra, Abdurahim Ismoilov uchrashuvning eng yaxshi futbolchisi, deb topildi. Festivalning ikkinchi kun uchrashuvlari “Bunyodkor” futbol maktabi zalida o'tkziladi. Soat 10:00da boshlanadigan birinchi o'yinda “Bunyodkor” va “Paxtakor” tarbiyalanuvchilari o'zaro kuch sinashishsa, ikkinchi bahs “Spartak” va “Lokomotiv” o'rtasida kechadi.
— deya xabar beradi uff.uz nashri.