Madridning “Real” klubi himoyachi Serxio Ramos bilan amaldagi shartnomani uzaytirishni rejalashtirmoqda. Marca nashrining xabariga ko'ra, “Real” yaqin kunlarda Ramosga yangi shartnoma taklif etadi. “Qirollik klubi” rahbariyati himoyachi bilan amaldagi shartnomani 2021 yilga qadar uzaytirib, jamoa sardorining maoshini oshirishga tayyorliklarini bildirib o'tishgan. Taxminlarga ko'ra, Serxio Ramos bilan muzokara jarayoni uzoq davom etmaydi, chunki futbolchining o'zi “Real”da faoliyatini yakunlashini tasdiqlagandi. Ma'lumot uchun, Ramos joriy mavsum “Real” tarkibida 35 uchrashuvda maydonga tushib, 10 ta gol muallifiga aylangan.
— deya xabar beradi uff.uz nashri.