"Barselona" klubi Neymarning chetlatilishi bo'yicha appelyatsiyani sport arbitraj sudiga ataylab kech bergan. Bundan ko'zlangan maqsad braziliyalik hujumchi "Real"ga qarshi maydonga tusha olishi.
Arbitraj sudi haftada bir marta o'tkaziladi va kataloniyaliklar ataylab appelyatsiyani kech yuborishgan. Natijada Neymarning chetlatilishi endi kelasi hafta ko'rib chiqilishi lozim. Agarda appelyatsiya rad etilgan taqdirda ham hujumchi "Real"ga qarshi kechadigan o'yin emas, balki keyingi bahslarni o'tkazib yuborishi mumkin.
Ta'kidlab o'tish lozim, Sport arbitraj sudi shanba kuni navbatdan tashqari shoshilinch yig'ilish o'tkazishi ham mumkin. Agarda bu yig'ilish chaqirilmasa, Neymar yakshanba kuni "Real"ga qarshi maydonga tushishi mumkin.
— deya xabar beradi uff.uz nashri.