Kecha tunda Ispaniya La ligasining 33-tur uchrashuvlariga start berildi. Unda faqat bitta o'yin o'tkazildi. "Sevilya" o'z maydonida "Granada"ni 2:0 hisobida engdi. Qolgan bahslar shanba va yakshanba kunlari bo'lib o'tadi.
Jumladan, bu turda Madridning "Atletiko" jamoasi safarda "Espanol" mehmoni bo'ladi. "Vilyarreal" bo'lsa, o'zida "Leganes"ni qabul qiladi. "Malaga" bu safar muxlislari qarshisida "Valensiya" bilan o'ynaydi.
Bu turda markaziy o'yin bor. Aytish mumkinki, u dunyoning eng printsipial qarama-qarshiligi hisoblanadi. Ispaniya poytaxtida "Real" jamoasi Kataloniyaning "Barselona" klubini kutib oladi. Ko'pchilik futbol ishqibozlari o'yinda durang natijani taxmin qilmoqda. Aslidachi? Bu savolga ertagajavob olamiz. O'yinni barcha mamlakatlarda tomosha qilishlari kutilmoqda. Zero, "el-klassiko" boshlanadigan paytda hamma ish to'xtatib turiladi.
Agar bugun "Real" g'alaba qozonsa chempionlik masalasi amalda hal bo'ladi. Sababi, keyin "Barsa" etib olishi qiyin bo'ladi. Agar Enrike shogirdlarining qo'llari baland kelsa, chempionatga yana qiziqish qaytadi.
Xullas, ertaga Toshkent vaqt bilan soat 23.45da boshlanadiga klasiko ko'p narsalarga oydinlik kiritadi.
Ushbu tur anonsi bilan tanishing: 33-tur   22.04.2017 00.00   Sevilya 2 - 0 Granada 16.00   Malaga - Valensiya 19.15   Vilyarreal - Leganes 21.30   Osasuna - Sporting Xixon 23.45   Espanol - Atletiko Madrid 23.04.2017 15.00   Real Sosedad - Deportivo 19.15   Selta - Betis 21.30   Las-Palmas - Alaves 23.45   Real Madrid - Barselona 24.04.2017 23.45   Eybar - Atletik Bilbao
— deya xabar beradi uff.uz nashri.