O'tgan haftaning oxirlarida ijtimoiy tarmoqlarda antiqa bir surat tarqaldi. Aniqroq aytsak, Braziliya to'rtinchi divizionidagi kamtargina «Fluminense de Feyra» klubi o'z liboslarini supermarket reklamasiga aylantirib, kattagina shov-shuv ko'tardi. Buni qanday tushunish kerak, deysizmi? Gap shundaki, 10-raqamli futbolka muzlatilgan pitstsaning narx yorlig'iga (10,98 real) aylandi. 20-raqamli libos esa 20,38 real turadigan, soqol olish uchun mo'ljallangan ko'pik timsoli bo'ldi. Xullas, jamoadagi har bir raqam va libos uchun do'kondagi biror-bir buyum tanlanib, alohida reklama ko'rinishiga keltirildi. Eng muhimi, bunday usuldagi reklama hali hech bir klub tarixida uchramagandi. «Fluminense de Feyra»ning marketing ishlari bo'yicha direktori Xiko Melo Sport Connect nashriga mazkur antiqa g'oya haqida atroflicha hikoya qilib berdi. - Bizning kichikkina jamoamizda pul ishlab topish juda qiyin. Negaki, bor-yo'g'i «D» seriyada ishtirok etamiz va tabiiyki, bu omil baquvvat homiylar topib, ular bilan muzokaralar olib borishga to's­qinlik qiladi. Buning qanday ekanini yaxshi bilasiz: investorlar qachonki klub biror-bir jiddiyroq natijaga erishsagina e'tiborni kuchaytirishadi. Aks holda, yo'q. Mavsum avvalida, hali jadval yuritilmagan, muvaffaqiyatga kafolat bo'lmagan vaqt­da esa homiy topishning deyarli imkoni yo'q. Bu omillarni hisobga olib, biz bu mavsum uchun odatdagidan ko'ra boshqacharoq qarorga keldik. Ya'ni, alohida o'yinlar uchun alohida homiylar izlashga tushdik. Mavsumdagi ilk o'yinga umuman homiylar logotipisiz chiqdik, desam ham bo'laveradi. Keyin esa ishlarimiz birmuncha yurishib ketdi: navbatdagi har bir bahsga yangi homiylar topib, futbolkalarimizga shu homiy mahsulotlari suratini tushira boshladik. Shu tariqa, biz Walmart savdo tarmog'ining reklama loyihasiga yo'l topdik. E'tibor bering, bu homiylik emas, reklama loyihasi. Boshqacha aytsam, navbatdagi ikkita o'yin uchun Walmart savdo belgisi va uning tarkibidagi Hiper Bompreso kompaniyasi bilan shartnoma tuzdik. Kelishuvga ko'ra, reklama yorliqlari futbolkaning ort qismiga joylashtirildi, raqamlar esa mahsulotlarning narxini anglatib turadi. Har bir o'yin uchun turlicha mahsulotlar va narxlar tanlandi. Shu bois, futbolkalarimiz o'yindan-o'yinga o'zgarib turadi. Tan olaman, g'oya aslida bizga tegishli emas. Futbolkalardagi raqamlardan foydalanishni DM9 reklama agentligidagi yigitlar o'ylab topishgan. Aynan ularning sa'y-harakatlari tufayli internetda tezda tanilib ketdik. Bizning, ya'ni klubning vazifasi esa oddiygina edi:  Bu hali hammasi emas, maqolaning davomi bu erda InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.