"Sevilya" bosh murabbiyi Xorxe Sampaoli mavsum oxirida ispan klubidan ketadigan bo'ldi.
Xabar qilinishicha, murabbiy Argentina terma jamoasini boshqarishga rozi bo'lgan. "Sevilya" prezidenti Xose Kastro murabbiy ketishidan xabardor. Mavsum oxiriga etgandan so'ng, 22 may sanasida Argentina futbol federatsiyasi Sampaolini bosh murabbiy sifatida taqdim etishi kutilmoqda.
Eslatib o'tamiz, Sampaolining shartnomasi 2018 yilning yoziga qadar davom etishi ko'zda tutilgan. Murabbiyning shartnomasida muddatidan avval ketishi uchun 1,5 million evro tovon puli to'lanishi ko'rsatilgan.
— deya xabar beradi uff.uz nashri.