Buguni bo'lib o'tadigan o'yin Angliya Kubogi finalining birinchi ishtirokchisini aniqlab beradi. “Uembli”dagi o'yinni Premer-Liga peshqadamlarining poygasi sifatida qarab bo'lmaydi, Angliya Kubogi o'z navbatida boshqa musobaqa va unga har kim har xil tayyorgarlik olib boradi. O'tgan xafta “Chelsi” juda og'ir kechgan o'yinda “Manchester Yunayted”ga (2:0) mag'lub bo'ldi va “Tottenxem” bilan oradagi farq endi 4 ochkoga aylandi. Kubokdagi derbida hozirda juda ham yaxshi formadagi Maurisio Pochettino jamoasi “Chelsi”ga yana bitta ruhiy zarba berishi mumkin. “Ko'klar” ustozi Antonio Konte bejizga “Tottenxem”ni hozirda Premer-Ligadagi eng yaxshi jamoa deb atamadi.
“Chelsi” so'nggi 5 ta Angliya Kubogi yarim finallarida bir marta mag'lub bo'lgan. O'z navbatida “Tottenxem” esa so'nggi 6 ta yarim finalda faqat mag'lubiyatga uchragan.
So'ngi marotaba “Chelsi” va “Tottenxem” Angliya Kubogi doirasi 2012 yil yarim finalda duch kelishgan va “ko'klar” 5:1 hisobida g'alaba qozongan va keyinchalik Kubokni ham qo'lga kiritishgan edi.
“Chelsi” himoyachisi Gari Kexill kasalligi tufayli o'yinni o'tkazib yuboradi, “Yunayted”ga qarshi maydonga tusha olmagan Tibo Kurtua va Markos Alonso aksincha safga qo'shilishi kutilmoqda.
“Tottenxem” safida hali xam Danni Rouz, Xarri Uinks va Erik Lamela jarohat tufayli yo'q.
Angliya Kubogi. 1/2 final
"Chelsi" — "Tottenxem"
London. "Uembli" stadioni 21:15.
— deya xabar beradi uff.uz nashri.