Oliy Liga 7-turidan o'rin olgan “Olmaliq” – “Qizilqum” (0:0) uchrashuvidan keyin navoiyliklar ustozi Hamidjon AKTAMOV o'yin haqida quyidagi fikrlarni bildirdi. “Bugun har ikkala jamoa ham g'alaba uchun bor kuchi bilan harakat qildi.  Raqibimiz ham asosiy e'tiborni himoyaga qaratib, qarshi hujumlardan samarali foydalanishga urinib ko'rdi. O'yin natijaga mos bo'ldi. Albatta, uchrashuv oxirida gol urib g'alaba qozonishimiz ham mumkin edi. Artur Gevorkyan yaxshi vaziyatdan chiqib bordi. Ammo uning gol urishiga  himoyachi xalaqit qildi. Jasur Hasanovning zarbasi to'singa tegib qaytdi. O'sha vaziyatlarda biroz omad etishmadi, deb o'ylayman. Hasanov? Albatta, tarkibimizda mahoratli futbolchilar etarli. Kim uchrashuvga 100 foiz tayyor bo'lsa, o'sha maydonga tushadi. Hasanov zaxiradan maydonga tushib, o'yinni kuchaytira oldi”, – dedi Aktamov. 
— deya xabar beradi uff.uz nashri.