"Arsenal" bosh murabbiyi Arsen Venger yarim himoyachi Aaron Remsi haqida fikr bildirdi.
"Remsi har yili 10, 15 tadan gol urishini kutgandim. U Frenk Lempardga o'xshaydi, jismonan baquvvat va raqib jarima maydonchasiga yorib kirishni yaxshi ko'radi.
Ammo joriy mavsum Remsi uchun ko'ngilsiz o'tmoqda. Men tekshirib ko'rdim, u Angliya chempionatida faqat 7 ta o'yinni asosiy tarkibda o'tkazibdi. Avvaliga ishonmadim, keyin qarasam hammasiga kichik jarohatlar aybdor.
U dushanba kuni sog'lom ko'ringandi va umid qilamanki mavsumning qolgan qismini jarohatsiz o'tkazadi. Aaron men uchun muhim futbolchi", - deydi Venger.
Eslatib o'tamiz, Aaron Remsi joriy mavsum Angliya chempionatida 23 ta o'yinda maydonga tushib, 2 ta gol urgan.
— deya xabar beradi uff.uz nashri.