"Atletiko" bosh murabbiyi Diego Simeone "Espanol"ga qarshi kechgan o'yindagi g'alabadan so'ng (1:0) fikr bildirdi. Eslatib o'tamiz, uchrashuvda Antuan Grizmann yagona golga mualliflik qilib, mavsumdagi gollari sonini 25 taga etkazgan edi.
"Bu teng kurash ostida o'tgan o'yin bo'ldi, ammo biz qat'iyat namoyish etdik va uch ochkoni qo'lga kiritdik. EChL yarim finaliga chiqqanimizdan so'ng bunday g'alaba juda muhim edi. Raqib o'zini yaxshi namoyish etdi va qarshi hujumlarda xavfli harakat qildi.
Kelasi turda "Vilyarreal"ga qarshi maydonga tushamiz. Bu jamoa ham kuchli uchlikka kirish uchun kurashmoqda. Keyin esa "Las Palmas"ga qarshi safarda o'ynashimiz lozim",  - deydi Simeone.
— deya xabar beradi uff.uz nashri.