Rio-de-Janeyroda o'tgan Olimpiya o'yinlari chempioni Fazliddin G'oibnazarov AQShning Kaliforniya shtati Karson shahrida tashkil etilgan professional boks kechasida ilk uchrashuvini o'tkazdi.
Bekobodlik bokschi profringdagi  dastlabki jangida amerikalik Viktor Vaskes bilan raqobatlashdi.
Sakkiz raund qilib belgilangan ushbu uchrashuvning ikkinchi raundida Fazliddin G'oibnazarov kuchli zarbasi bilan raqibini nokautga uchratdi. Bunaqa kuchli zarbaga dosh berolmagan Viktor Vaskes mag'lubiyatini tan olishdan boshqa chora topa olmadi.
- Professional ringdagi dastlabki uchrashuvni g'alaba bilan yakunlaganimdan xursandman, - dedi Fazliddin G'oibnazarov SPORTS.uz axborot portaliga. - Bu boshlanishi albatta. Keyingi janglarda ham zafar quchib, muxlislar ishonchini oqlashga harakat qilaman.
Professional boks osmonida o'zbekistonlik yangi yulduz porlaydi
SPORTS.uz axborot portali Fazliddin G'oibnazarovni professional boksdagi ilk g'alabasi bilan tabriklaydi!
— deya xabar beradi uff.uz nashri.