O'yin nihoyasida “Nasaf” jamoamiz ustozi Ro'ziqul Sa'dullaevich ham o'yin haqidagi o'z fikrlarini bildirib o'tdi. -Biz bugun ko'plab golli vaziyatlar yarata oldik. Ammo buning bittasidan foydalandik. “Obod” jamoasi har doimgidek bugun ham himoyada juda tartibli o'ynadi. Ularning keyingi o'yinlarini o'rganib chiqqanimizda shu narsaga guvoh bo'ldikki, jamoaning himoyasi juda yaxshi shakllangan. Ular faqat standart vaziyatlarda gol o'tkazishgan. Bugun ham ular o'z o'yinlarini ko'rsatishdi, ya'ni himoyada juda yaxshi o'ynashdi. Eng muhimi g'alaba qozondik, biz buni juda hohlagandik. Shaxboz Erkinov etishmayapti? To'g'ri, Shaxboz Erkinovda gol urish qobiliyati yuqori, u golni seza oladi yoki jamoadoshini gol urish uchun qulay vaziyatda to'p bilan ta'minlay oladi. U keyingi paytlarda Cheran bilan tandem yaratgandi. Afsuski, uning jarohati bizga pand bermoqda, - deydi Ro'ziqul Berdiev.
— deya xabar beradi uff.uz nashri.