Angliya chempionatining 34-turidan o'rin olgan “Byornli” – “Manchester Yunayted” uchrashuvi (0:2) yakuniga etgandan so'ng mehmonlar bosh murabbiyi Joze Mourino o'yin haqidagi fikrlarini bildirib o'tdi. “Albatta, biz bu g'alabadan juda xursandmiz. Uch ochkoni qo'lga kiritish uchun futbolchilar maydonda har xil qiyinchiliklarga uchrashdi. Ammo 90 daqiqa o'yinni o'z nazoratimiz ostida o'tkazdik raqibga deyarli imkoniyat qoldirmadik. Futbolchilar o'yinga tuzilgan rejani a'lo darajada bajarishdi. “Manchester Yunayted” g'alaba uchun haqli o'yin ko'rsatdi desam adashmayman. Antoni Marsyal jamoadoshlari kabi ajoyib o'yin o'tkazdi. Bu o'yinda kimnidir eng yaxshi futbolchi deya ko'rsata olmayman. G'alabaga bugun maydonda harakat qilgan barcha futbolchilarning kuchi evaziga erishdik”, - deydi Mourino klub matbuot xizmatiga bergan intervyusida.
— deya xabar beradi uff.uz nashri.