Kecha Oliy liganing 7-tur uchrashuvlari yakuniga etdi. Turning qiziqarli kechishi kutilgan uchrashuvlarining birida Muborakning "Mash'al" klubi "Buxoro" mehmoni bo'ldi. Unda 2:2 hisobi qayd etildi. Mazkur uchrashuvdan so'ng "Mash'al" jamoasi himoyachisi Sardor Rahmonov o'yin haqidagi fikrlarini bildirib o'tdi: Keskin va kurashlarga boy kechgan uchrashuv 2:2 hisobidagi jangovor durang natija bilan yakunlandi. O'yinni o'zingiz ham ko'rdingiz, juda tezkor va shiddatli o'tdi. Eng muhimi muxlislar bob bahs bo'ldi. Aslida biz g'alabaga haqli edik ikkala jamoada ham yaxshi imkoniyatlar bo'ldi. O'tgan mavsumni aynan "Buxoro"da o'tkazgan edim sobiq jamoamga qarshi o'ynash menga qiyin bo'lmadi. So'ngi soniyalarda biz g'alabani ilib ketishimiz ham mumkin edi ammo omad etishmadi. Bizni Muborakdan kelib qo'llab quvvatlagan muxlislarimizga jamoamiz nomidan minnatdorchilik bildiraman.
— deya xabar beradi uff.uz nashri.