“Milan” klubi bosh murabbiyi Vinchentso Montella yangi rahbariyatdan yozda hujumchi sotib olishni so'radi.
Sky Sports Italia nashrining ma'lumotiga ko'ra, italiyalik mutaxassis jamoada Madridning ”Real” klubi hujumchisi Alvaro Moratani ko'rishni istaydi.
Ta'kidlanishicha, “Milan” shuningdek Per-Emerik Obameyangni ortga qaytarish imkoniyatini ko'rib chiqmoqda.
Lekin Morata Milanga ko'chib o'tishga rozi bo'lmasligini taxmin qilinmoqda, chunki ispaniyalik to'purar “Yuventus” sharafini himoya qilgan va ashaddiy raqib safiga kelib qo'shilishni istamaydi.
Hujum chizig'ini kuchaytirish uchun uchinchi nomzod “Lion” hujumchisi Aleksandr Lyakazett sanaladi. Unga shuningdek “Atletiko”, “Yuventus” hamda “Liverpul” klublari da'vogarlik qilishmoqda.
— deya xabar beradi uff.uz nashri.