«Mash'al» joriy mavsumni ko'tarinki kayfiyatda boshladi. Muborakliklar ortda qolgan o'yinlarda o'ziga xos shov-shuv ko'tarishdi. Xususan, «Paxtakor»ning mag'lub etilgani fikrimizga isbot bo'lishi mumkin. Albatta, muxlislarga shunday futbol ma'qul keladi. Kutilmagan natijalarning qayd etilishi stadionga ishqibozlarni qaytaradi. Biz «Mash'al»dagi ishonchli o'yinlari orqali jamoasi yutuqlariga munosib hissa qo'shayotgan Sardor Rahmonov bilan suhbatlashib, o'zimizni qiziqtirgan savollarga javob oldik. - Sardor, o'tgan mavsum «Neftchi» sharafini himoya qildingiz. Farg'onaliklar safini tark etishingizga nima sabab bo'ldi? - Jamoani Mansur Saidov, Shukurali Po'latov, Akmal Xolmatov, Jahongir Mehmonov kabi etakchilar tark etishdi. Klub rahbariyati bilan ayrim masalalarda kelisha olmadik. Shu bois ham «Neftchi»dan ketishga majbur bo'ldim. - Intervyularingizning birida klub rahbariyati va'dasini bajarsa, «Neftchi»da qolishingizni aytgandingiz. Sizga qanday va'da berilgandi? - Shartnomada ko'rsatilgan ba'zi bandlar bo'yicha kelishib olgandik. - Demak, klub rahbariyati tomonidan moliyaviy majburiyatlar bajarilmagan... - Shunday desa ham bo'ladi. - Haligacha qarzdorlik saqlanib qolganmi? - Yo'q. Men bilan hisob-kitob ishlari to'liq amalga oshirilgan. - Shartnoma muddati yakunlanganmidi? - Yana bir yil bor edi. - Unda kelishuv ikki tomonning roziligi bilan bekor qilindimi? - Xuddi shunday. - Siz aytgandek, «Neftchi»ni etakchi futbolchilar tark etishdi. Ularning ketishiga ham shu muammo sabab bo'ldimi? - Ha, ular ham shartnoma shartlarini kelisha olishmadi. - Bundan ko'rinib turibdiki, «Neftchi»da etarlicha muammolar bor... - Hozir vaziyat qandayligini bilmayman. - «Mash'al» varianti qay tarzda yuzaga keldi? - O'tgan mavsum yakunlanganidan ke-yin Muborak klubi rahbariyati tomonidan qiziqish bo'lgandi. Har tomonlama o'ylab ko'rib, faoliyatimni «Mash'al»da davom ettirishga qaror qildim. Menga shaxsan jamoa bosh murabbiyi Aleksandr Xomyakovning o'zi taklif bilan chiqqandi. Jamoadagi kelajagim haqida u kishi bilan gaplashib olganim uchun shartnoma imzolashda ortiqcha ikkilanmadim. - «Paxtakor»ni nimaning evaziga mag'lub etdinglar? Buni kutilmagan natijaga yo'yish mumkinmi? - Jamoaviy o'yin va kuchli ishtiyoq hisobiga g'alaba qozondik. Qolaversa, himoyada ham tartibli o'ynadik. Shaxsan men buni kutilmagan natija, demagan bo'lardim. Bu hali hammasi emas, maqolaning davomi bu erda InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.