Madridning “Atletiko” klubi yarim himoyachisi Yannik-Ferreyra Karrasko faoliyatini Angliya chempionatida davom ettirishi mumkin.
Don Balon nashrining ma'lumotiga ko'ra, Belgiya termasi a'zosiga “Manchester Yunayted” jamoasii jiddiy tarzda qiziqmoqda.
Uni mankunianliklar ustozi Joze Mourinoning shaxsan o'zi “Old Trafford“da ko'rishni xohlaydi.
Biroq, “Atletiko” ustozi Diego Simeone futbolchini boshqa klubga qo'yib yubormoqchi emas. Boz ustiga, xavbek uchun tovon puli qiymati 100 million evroni tashkil qiladi.
Ushbu mavsumda 23 yoshli yarim himoyachi barcha musobaqalarda 42 marta maydonga tushib, 12ta gol hamda 5ta golli uzatmaga mualliflik qilgan.
— deya xabar beradi uff.uz nashri.