Angliyaning "Manchester Yunayted" klubi hujumchisi Zlatan Ibragimovichning paylarini qattiq shikastlangan. Bu haqda jurnalist Janluki Di Martsio o'zining sahifasida ma'lum qilgan. Uning xabariga ko'ra, Ibragimovichning o'ng oyoq tizzasi xochsimon paylarining old va orqa tomonidan uzilib ketgan. Endilikda sportchi jarrohlik stoliga yotishi kerak bo'ladi. Hozircha rasmiy ma'lumotlar berilmagan bo'lsada, Ibragimovich taxminan 8-9 oy mobaynida maydonga tusha olmasligi aniq bo'lib ulgurgan. Eslatib o'tamiz, 35 yoshli futbolchi Evropa ligasining "Anderlext"ga qarshi chorak final uchrashuvida erga noto'g'ri tushib tizzasini qayirib olgandi.
— deya xabar beradi uff.uz nashri.