"Manchester Yunayted" bosh murabbiyi Joze Mourino "qizil iblislar"ning hozirdagi ahvoli va futbolchilar haqida izoh qoldirdi. "Biz og'ir ahvoldamiz. Bayi qatorasiga 6 o'yinda maydonga tushdi va unda charchoq alomatlari bor. Roxodan ajraldik, Jons va Smolling jarohat olgan. Zlatanni ham uzoq muddatga yo'qotdik. Biroq, hujumda variantlar bor. Runi qaytmoqda. Balki Mata ham mavsum oxirida qaytishi mumkin. Runi – haqiqiy kurashchi. U - kuchli inson. Jismoniy holati yaxshi bo'lmasa ham, u yuqori saviyada futbol o'ynay oladi. Unda tajriba va iroda bor. Uning bu hislatlari hurmatga sazovor", - deydi mutaxassis.
— deya xabar beradi uff.uz nashri.