"Paxtakor" - "Lokomotiv" uchrashuvi tanaffusida "Omadli muxlis" aktsiyasi g'oliblari ma'lum bo'ldi. Yutuqli o'yini g'oliblari bellashuvning tanaffus paytida aniqlandi. Mavsumiy abonement va o'yinga chipta xarid qilganlar unda ishtirok etish imkoniyatiga ega bo'lishdi. Yutuq sifatida sport kiyimlari, futbol to'plari va "Damas" avtomobili qo'yilgandi. Asosiy yutuq sanalgan "Damas" avtomobili Qashqadaryo viloyatidan uchrashuvga tashrif buyurgan ishqiboz Ravshan Rustamovga nasib etdi. G'oliblarni yutuqlari bilan tabriklagan holda navbatdagi uy o'yinlarimizga ishqibozlarni chorlab qolamiz.
— deya xabar beradi uff.uz nashri.