G'uzorning “Sho'rtan” jamoasiga qarshi o'yindan keyin ikki kun davomida Namanganda mashg'ulot o'tkazgan jamoamiz a'zolari “Paxtakor”ga qarshi bahsga hozirlikning qolgan qismini Toshkentda o'tkazishadi. Bugun ertalab o'tkazilgan mashg'ulotdan keyin futbolchilarga qisqa muddatlik dam olish e'lon qilindi. Ertaga jamoamiz a'zolari Toshkentda to'planib mashg'ulotlarni davom ettirishadi. “Sho'rtan”ga qarshi o'yinda jarohat olib maydonni tark etgan Abbos Otaxonov ma'lum vaqt davomida davolanish bilan band bo'ladi. Eslatib o'tamiz, “Paxtakor” bilan o'tadigan uchrashuv 28 aprel kuni “Paxtakor” markaziy o'yingohida bo'lib o'tadi.
— deya xabar beradi uff.uz nashri.