Ispaniya La-ligasi yangi mavsumida videotakrorlar tizimi amalda qo'llanishi ehtimoldan xoli emas. Ya'ni hakamlar bahsli vaziyatlar (to'p darvoza chizig'ini kesib o'tgan-o'tmagani, o'yinchilarni chetlatish, penalti belgilash va qo'pol ravishda qoida buzilishi)da videohakam yordamidan foydalanishlari mumkin. Shuningdek, Italiya futbol federatsiyasi ham "A" seriyasi o'yinlarida takroriy videolavhalardan foydalanishga tayyorligini ma'lum qildi. Italiya hakamlari assotsiatsiyasi rahbari Marchello Nikki bu haqda shunday dedi: "Ha, takroriy videolavhalar tizimini kelasi mavsumdanoq ishga tushiramiz. Xalqaro futbol assotsiatsiyalari kengashi buni ma'qullasa, bas". Ma'lumot uchun, 2 nafar videohakam gollar, jarima maydoni ichidagi qoidabuzarliklar va chetlatishlar bo'yicha yuzaga kelgan bahsli holatlarda qaror chiqarish huquqiga ega bo'ladi.
— deya xabar beradi uff.uz nashri.