“Milan” klubining yangi sport direktori Massimo Mirabelli jamoa darvozaboni Janluiji Donnarumma bilan shartnoma uzaytirish bo'yicha muzokaralar bo'layotganini ma'lum qildi. Uning so'zlariga ko'ra, Donnarumma jamoada qolishni istayotir.
“Bir hafta oldin biz Donnarummaning vakillari bilan muzokaralar o'tkazdik. Shuningdek, biz uning “Milan”da qolishini so'radik. U ijobiy javob berdi”, – deya Mirabellining so'zlarini keltiradi Talksport nashri.
“Janluiji bu erda baxtli va “qizil-qoralar” sharafini himoya qilishni xohlamoqda. Endi uning vakillari bilan kelishuvga erishish qoldi”.
— deya xabar beradi uff.uz nashri.