Osiyo Chempionlar ligasi musobaqasining guruh bosqich 5-turidan o'rin olgan "Bunyodkor" - "Al-Ahli" uchrashuvi o'z nihoyasiga etdi. Unda 2:0 hisobi qayd etilib, toshkentliklarning g'alabasi bilan yakunlandi. Dastlab, birinchi bo'limning 8-daqiqasidayoq Akrom Komilov burchak zarbasidan so'ng boshi bilan darvozani ishg'ol etib, hisobni ochdi. Ikkinchi bo'limning 54-daqiqasiga kelib, Eldor Shomurodov Hamdamovning pasidan so'ng Al Musaylimni ikkinchi bor ranjitdi. Final hushtagiga qadar “Bunyodkor“ o'z ustunligini saqlab qoldi. Qiziq, nega avvalroq shunday o'ynashning iloji bo'lmadi?! Osiyo Chempionlar ligasi, 5-tur “Bunyodkor” – “Al-Ahli” 2:0 (1:0, 1:0)
Gollar: 1:0 - 8 Komilov, 2:0 - 54 Shomurodov.
"Bunyodkor": Zuhurov, Ashurmatov, Komilov, Shomurodov, Hamdamov, To'xtasinov, Azimov, Ahmadaliev, Umirov, Shukurov, G'iyosov.
"Al-Ahli": Al Musaylim, Muvashar, Al Jassim, Al Soma, Fetfattsidis, Abdulshafi, Al Sahabi, Al Muvallad, Havsavi, Tavfiq, Abdulamir.
— deya xabar beradi uff.uz nashri.