“Bunyodkor” – “Al-Ahli” uchrashuvidan keyingi matbuot anjumanining ikkinchi qismida “qaldirg'ochlar” ustozi qatnashdi.
- Nihoyat, yutdik! Garchi bugun g'alaba qozongan bo'lsak-da, Chempionlar ligasining avvalgi uchrashuvlarida bundan ham yaxshi o'ynagan o'yinlarimiz bo'lgandi. Bugun esa gol urish va gol o'tkazmaslikni uddaladik. Shuningdek, nihoyat Eldor Shomurodov ham gol urdi. U markaziy hujumchi sifatida to'p tepib, raqibning ikki himoyachisini o'zi bilan ovora qilib yurdi va boshqa jamoadoshlariga bo'sh xududlar yaratilishida katta hajmdagi ishni amalga oshirdi.
Eldor bejizga uchrashuvning eng yaxshi futbolchisi deb topilmadi. Haqiqiy mahorat ega bo'lish uchun tarkibimizdagi yoshlar o'z ustilarida yanada ko'proq ishlashlari lozim. Otabek Shukurovning markaziy himoyachi sifatida o'ynayotgani bu majburiy holat. Umid qilamanki, Javlon Mirabdullaev avvalgi sport formasini tezroq tiklab oladi va yana safga qaytadi, - deydi Sergey Lushchan.
— deya xabar beradi uff.uz nashri.