"Milan" darvozaboni Janluijji Donnarummaning agenti Mino Rayola milanliklar bilan tuziladigan yangi shartnomaga o'z manfaatini ko'zlab yangi band qo'shmoqchi.
Unga ko'ra Rayola darvozabonning transferidan o'z foiziga ega bo'ladi. Eslatib o'tamiz, Pol Pogba "Yuventus"dan "Manchester Yunayted"ga o'tishida aynan shu band ish bergan va Rayola 25 million evro ishlab olgan edi.
Rayola va "Milan" o'rtasidagi muzokaralar yozning oxirida o'tkazilishi rejalashtirilgan. 18 yoshli Donnarummaning "Milan" bilan shartnomasi 2018 yilning yozida yakuniga etadi.
— deya xabar beradi uff.uz nashri.