Tavsiya qilamiz:
UzBARCA.COM - FC Barcelona Muxlislar sayti !!!
" Real madrid " muxlislari sayti !!!
"FUTBOL TV " Yangiliklar !!
" Real madrid " muxlislari sayti !!!
"FUTBOL TV " Yangiliklar !!
Klassik futbol: «uchar golland»ni xotirlab…
80-yillarning oxiridagi Gollandiya terma jamoasini ko'pchilik eslasa kerak. Ruud Gullit, Marko van Basten, Frank Raykaard, Ronald Kuman kabi iste'dodli futbolchilardan tarkib topgan jamoa dunyoda mashhur edi. Ular ko'rsatayotgan futboldan barcha zavq olardi. O'sha paytlarda markaziy televidenieda Vladimir Pereturin degan sharhlovchi bo'lib, Gollandiya futbolining ashaddiy muxlisi edi. Buni o'zi ham yashirmasdi.
U ko'pincha o'shandagigollandiyaliklarning o'yinini Yoxan Kroyf davridagi futbol bilan solishtirardi. U paytlarda hamma gollandlardagi Cruijffdegan familiyani harfma-harf o'girib, Kruiff deb chaqirardi. Xullas, V.Pereturinning og'zidan Kruiff tushmasdi, 70-yillardagi “Ayaks” va Gollandiya terma jamoasi haqida tinmay gapirardi. Shaxsan men u paytlardagi futbolni ko'rmaganman. Dadam futbolga qiziqardilar va uni ancha yaxshi tushunardilar. Bir kuni dadamdan “Kruiff o'zi qanaqa futbolchi bo'lgan?” deb so'radim. Rahmatli dadam savolimga muxlislar tilida oddiy qilib: “Kruiff yomon edi lekin. Unaqasi boshqa chiqmadi”, deb javob bergandilar. Navbatdagi hikoyamiz o'tgan asrning eng yaxshi futbolchilaridan biri bo'lgan Yoxan Kroyf haqida.
Xendrik Yoxannes Kroyf 1947 yilning 25 aprelida Niderlandiyaning Amsterdam shahrida, sabzavot sotuvchisi Germanyus Kroyfning oilasida tug'ildi. Futbolchilik faoliyati uchun esa u, avvalo, onasi Petronella Drayerdan minnatdor bo'lishi kerak edi. Kroyfning onasi “Ayaks” futbol klubida farrosh bo'lib ishlardi. Bir kuni u klub rahbarlaridan o'g'lini ko'rikdan o'tkazib ko'rishlarini iltimos qildi. 12 yoshli Yoxan sinovdan muvaffaqiyatli o'tib, klubning o'smirlar jamoasiga qabul qilindi. Yosh Kroyf tez yugurishi, to'pni sheriklariga aniq oshira olishi va maydonni yaxshi ko'ra bilishi bilan ajralib turardi.
Yoxan Kroyf “Ayaks” tarkibida, 1972 yil
Kroyf professional futbolchilik faoliyatini 17 yoshida boshladi. Shunday bo'lib chiqdiki, uning hayotida faqat 2 ta muhimklub bor edi. Birinchisi, albatta, o'zi tug'ilib katta bo'lgan ona shahri – Amsterdamning “Ayaks” jamoasi edi. Klub tarkibida Kroyf o'sib, ulg'ayib, Evropaning eng yaxshi futbolchilaridan biriga aylandi. Albatta, 70-yillarning boshidagi “Ayaks” haqida uzoq gapirish mumkin. Bu juda uzun mavzu. O'shanda murabbiy Rinus Mixels bu jamoa o'yinida jahon futbolidagi yangicha uslub - total futbolni joriy etgandi. Aftidan maydondagi futbolchilarning harakatini tushunib bo'lmasdi, lekin bu puxta taktikaga asoslangan aqlli futbol edi.
Ustoz va shogird - Rinus Mixels va Yoxan Kroyf
Hamma hujumda, hamma himoyada, qanotlar rotatsiyasi, pozitsiyalar almashinuvi, to'psiz harakatlar bilan raqibni chalg'itish, “sun'iy offsayd”ni yaratish va hokazo. “Ayaks” da qo'llangan bu uslubga Evropada dosh bera olishmadi. Jamoada iqtidorli futbolchilar jamlangandi: Rud Krol, Jonni Rep, Yoxan Neskens, Ari Xaan, Vim Syurbir kabilar total futbol ijrochilari edi. 1971 yilda “Ayaks” ilk marta Chempionlar kubogini qo'lga kiritdi.Bu mexanizmning asosiy murvati va yuragi esa qahramonimiz Yoxan Kroyf edi. Uning barcha individualfutbolchilik xislatlari jamoa o'yiniga mos tushibgina qolmay, jamoaning haqiqiy etakchisiga aylantirishga yordam berdi. U jamoa manfaatlari undan qaysi pozitsiyada o'ynashni talab etsa, o'sha joyda o'ynab ketaverardi. Kroyfning golni his etishi va istagan pozitsiyadan to'p kirita olish qobiliyati uni jamoa goleadoriga aylantirdi. Yoxan “Ayaks” tarkibida uddalagan ishlar orasida noyob tarzda amalga oshirilgan penaltini aytib o'tish mumkin. Jamoadoshi Yesper Olsen bilan birgalikda ijro etgan penaltisi “kroyfcha futbol”dan bir namuna edi. Yoxan Kroyf futbol olamini u yoki bu yangiliklar bilan hayron qilishdan charchamasdi. Kroyf va Ko. yana ikki marta ketma-ket Evropaning tengsiz klubi bo'ldi. Jumladan, 1972 yilda Rotterdamda o'tgan finalda Kroyf ikkita goli bilan jamoasiga kubokni olib berdi, musobaqa to'purari bo'ldi.
“Ayaks” futbolchilari Chempionlar kubogi bilan, 1972 yil
Yoxan Kroyf faoliyatidagi ikkinchi muhim jamoa bu “Barselona” edi. Nafaqat unda ishtirok etgani uchun, balki bu klub Kroyning futbolchilik hayotida o'chmas iz qoldirgan uchun ham. “Ayaks”ga total futbol g'oyasini singdirgan murabbiy Rinus Mixels 1971 yilning ikkinchi yarmida Barselonaga yo'l olgandi. 1973 yilda Kroyf ham Kataloniyaga jo'nadi. Gollandiyalik iqtidor “Barselona”ga o'sha payt uchun rekord qiymat – 900 ming funtga tushdi.
Yoxan Kroyf “Barselona”da, 1974 yil
Y.Kroyf bilan shartnoma tuzgan “Barselona”ning o'sha paytdagi ahvoli maqtanarli darajada emas edi. Pul bor edi, lekin o'yin sifatida bu aks etmasdi. Doim nimadir etishmayotgandek ko'rinardi. “Ko'k-anorranglilar”ning muxlislari klubning yorqin kelajagini aynan Kroyf bilan bog'lay boshlashdi. Yoxan haqiqiy professional sifatida butun ishni o'z qo'liga oldi va buning natijasida jamoaning o'yini keskin o'zgardi, samaradorlik oshdi. “Barselona”dagi ilk mavsumidayoq Kroyf jamoani chempionlikka olib keldi. Bu Primerada 1960 yildan beri erishilgan birinchi g'oliblik edi. So'nib va so'lib borayotgan “Barselona”ni oyoqqa turg'azgan Yoxan Kroyf o'sha davrlarda Eysebio, Gerd Myuller, Frants Bekkenbauer, Oleg Bloxin kabi yulduzlar tishlarini g'ichirlatib turganida uchinchi marotaba Evropaning eng futbolchichi unvoniga sazovor bo'lib, jahon futboli olimpini zabt etdi.
Yoxan Kroyf “Oltin to'p”bilan, 1973 yil
“Barselona”dagi ajoyib beshta mavsumdan keyin Kroyf AQShga yo'l oldi. Shimoliy Amerika chempionatida u “Los-Anjeles Atsteks”, “Vashington Diplomats” jamoalarida o'ynadi, liganing eng yaxshi futbolchisi unvonini qo'lga kiritdi. Futbolchi sehrli diyorda uchta mavsumni o'tkazib, Evropaga yo'l oldi. U avvaliga Ispaniyaning “Levante”sida 10 ta uchrashuvda maydonga tushib, so'ngra ona yurtiga qaytib keldi. “Ayaks” va “Feyenord”da o'ynab, yana barchani hayratlantirdi. Kroyf o'zining 34 yoshida hujumda o'ynab, muhim gollari bilan jamoasi g'alabalariga hissa qo'shdi. 1982 va 1983 yillarda amsterdamliklarni Gollandiya chempionligiga olib keldi,1984 yilda esa “Feyenord” tarkibida mamlakat chempioni bo'ldi, o'sha yili jamoa bilan Gollandiya kubogini qo'lga kiritdi.
JCh-74, Y.Kroyf germaniyalik himoyachilarga qarshi
1966-1977 yillar davomidaYoxan KroyfGollandiya terma jamoasi tarkibida 48 ta o'yinda qatnashib, 33 ta to'p kiritdi.Kroyf faqat bitta Mundialda - 1974 yilda Germaniyadagi jahon chempionatida qatnashgan edi. Bundan bir necha yil avval total futboli bilan qit'a klublarini titratgan murabbiy Rinus Mixels dunyo futbol ahlini yana o'z uslubi bilan hayratlantirdi. Ko'pchilik muxlislar tarixdagi eng kuchli jamoa deb 1974 yilgi Gollandiyani aytishadi. Balki shundaydir. O'sha davr uchun yangi futbol modasini joriy etgan “uchar gollandlar” oldida yana barcha qaltiray boshladi. Argentina, Urugvay, Bolgariya, amaldagi jahon chempioni Braziliya...
JCh-74: Yoxan Kroyf Argentina termasiga gol urmoqda
Har qanday g'oyani amalga oshirish uchun yaxshi ijrochi kerak. Hamma sohada ham shunday. 1974 yilda G'arbiy Germaniya maydonlarida gollandlarning ko'rsatgan o'yini fantastik futbol, aql bovar qilmas texnika va hali echimi topilmagan taktika, deya baholandi. Jamoa futbolchilari shu g'oya bilan kurashga otlangandi. Ularning orasida Yoxan Kroyf ajralib turardi. Ajoyib dribling va aniq pas ustasi, jamoa sardori va yuragi Kroyf zafarli odimlar ilhomchisi edi. Finalda gollandiyaliklar puxta shakllangan Germaniya termasiga kichik farq bilan mag'lub bo'ldilar. Shunga qaramay, Yoxan Kroyf 1974 yilgi jahon chempionatining eng yaxshi futbolchisi, deb topildi, yil oxirida esa “Oltin to'p” sovrinini qo'lga kiritdi.
“Barselona” murabbiyi Yoxan Kroyf
Kroyf 1986 yilda murabbiylikishiga o'tdi. Ikki mavsum qadrdon jamoasi “Ayaks”ni boshqardi. Jamoa bilan 1986, 1987 yillarda mamlakat kubogi, 1987 yilda esa xalqaro sovrin - Kubok egalari kubogi qo'lga kiritildi. 1988 yilda esa u “Barselona”ga trener etib tayinlandi. Uning boshqaruvchidagi 8 ta mavsum katalon klubi tarixida eng yorqin sahifalardan biri bo'ldi. Kroyf tuzgan jamoa “drim tim” – “orzular jamoasi” degan nom oldi. Andoni Subisaretta, Xose MariBakero, Mikael Laurdrup, Jozep Gavrdiola, Xristo Stoichkov, Romario kabi yulduzlardan tarkib topgan jamoa ketma-ket 4 marotaba Ispaniya chempioni bo'ldi, bir marta mamlakat kubogini qo'lga kiritdi. 1992 yilda “Uembli” arenasida Italiyaning “Sampdoriya” klubiga qarshi kechgan Chempionlar kubogi finalining oxirgi daqiqalarida Ronald Kuman tomonidan urilgan g'alaba goli Kroyf olib borgan ishlarining mantiqiy natijasi, klubga singdirgan taktikasining chinakam zafari edi. “Futboldan barcha - tomoshabinlar ham, futbolchilarning o'zi ham zavq olishi kerak.Futbol,eng avvalo, tomoshadir. Aks holda u futbol bo'lmay qoladi”, degan edi buyuk golland.
Murabbiy Y.Kroyf va futbolchi J.Gvardiola
Yoxan Kroyf faoliyati davomida 752 ta o'yinda maydonga tushib, 425 ta to'p kiritdi. Uch karra “Oltin to'p” sohibi, futbolchi sifatida uch marotaba, bir marta esa murabbiy bo'lib Evropa chempionlar kubogi yutdi, Gollandiyaning 20-asrdagi eng yaxshi futbolchisi, deb tan olindi.
Vaqt hech kimni ayab o'tirmaydi. Agar sen u bilan o'ynashmoqchi bo'lsang, tamom bo'ldim, deyaver. Xendrik Yoxannes Kroyf, futbol muxlislari uchun oddiygina Yoxan Kroyf uzoq yillar davomida chekish bilan kurashib keldi. U tinmay sigaret chekardi. Oxiri kasallik o'z so'zini aytdi. Buyuk golland 2016 yilning 24 martida Barselonada oilasi davrasida 68 yoshida o'pka saratonidan vafot etdi.
Yoxan Kroyf
Kroyfning o'yinlarini ko'rgan avlod vakillaridan ko'pi bu hayotdan o'tib ketdi. Gollandiyalik futbolafsonasi haqida bitilgan ko'plab kitoblar, maqolalar, filmlar, xotiralar qoldi. Albatta, 70-yillardagi futbolni bugungisi bilan solishtirib bo'lmaydi. Biroq hech kim inkor etolmaydigan bitta haqiqat bor: Yoxan Kroyf jahon futbolida o'lmas meros yaratgan tarixiy shaxs, buyuk novator va inqilobchi bo'lib qoladi.
Mana, Kroyfni bugun bir xotirlab, suhbatlashib hamqo'ydik. Gollandiya va jahon futboli yulduzi, afsonaviy Yoxan Kroyf hayot bo'lganida bugun 70 yoshga to'lgan bo'lar edi...
Nodir MIRHODIEV
— deya xabar beradi uff.uz nashri.
U ko'pincha o'shandagigollandiyaliklarning o'yinini Yoxan Kroyf davridagi futbol bilan solishtirardi. U paytlarda hamma gollandlardagi Cruijffdegan familiyani harfma-harf o'girib, Kruiff deb chaqirardi. Xullas, V.Pereturinning og'zidan Kruiff tushmasdi, 70-yillardagi “Ayaks” va Gollandiya terma jamoasi haqida tinmay gapirardi. Shaxsan men u paytlardagi futbolni ko'rmaganman. Dadam futbolga qiziqardilar va uni ancha yaxshi tushunardilar. Bir kuni dadamdan “Kruiff o'zi qanaqa futbolchi bo'lgan?” deb so'radim. Rahmatli dadam savolimga muxlislar tilida oddiy qilib: “Kruiff yomon edi lekin. Unaqasi boshqa chiqmadi”, deb javob bergandilar. Navbatdagi hikoyamiz o'tgan asrning eng yaxshi futbolchilaridan biri bo'lgan Yoxan Kroyf haqida.
Xendrik Yoxannes Kroyf 1947 yilning 25 aprelida Niderlandiyaning Amsterdam shahrida, sabzavot sotuvchisi Germanyus Kroyfning oilasida tug'ildi. Futbolchilik faoliyati uchun esa u, avvalo, onasi Petronella Drayerdan minnatdor bo'lishi kerak edi. Kroyfning onasi “Ayaks” futbol klubida farrosh bo'lib ishlardi. Bir kuni u klub rahbarlaridan o'g'lini ko'rikdan o'tkazib ko'rishlarini iltimos qildi. 12 yoshli Yoxan sinovdan muvaffaqiyatli o'tib, klubning o'smirlar jamoasiga qabul qilindi. Yosh Kroyf tez yugurishi, to'pni sheriklariga aniq oshira olishi va maydonni yaxshi ko'ra bilishi bilan ajralib turardi.
Yoxan Kroyf “Ayaks” tarkibida, 1972 yil
Kroyf professional futbolchilik faoliyatini 17 yoshida boshladi. Shunday bo'lib chiqdiki, uning hayotida faqat 2 ta muhimklub bor edi. Birinchisi, albatta, o'zi tug'ilib katta bo'lgan ona shahri – Amsterdamning “Ayaks” jamoasi edi. Klub tarkibida Kroyf o'sib, ulg'ayib, Evropaning eng yaxshi futbolchilaridan biriga aylandi. Albatta, 70-yillarning boshidagi “Ayaks” haqida uzoq gapirish mumkin. Bu juda uzun mavzu. O'shanda murabbiy Rinus Mixels bu jamoa o'yinida jahon futbolidagi yangicha uslub - total futbolni joriy etgandi. Aftidan maydondagi futbolchilarning harakatini tushunib bo'lmasdi, lekin bu puxta taktikaga asoslangan aqlli futbol edi.
Ustoz va shogird - Rinus Mixels va Yoxan Kroyf
Hamma hujumda, hamma himoyada, qanotlar rotatsiyasi, pozitsiyalar almashinuvi, to'psiz harakatlar bilan raqibni chalg'itish, “sun'iy offsayd”ni yaratish va hokazo. “Ayaks” da qo'llangan bu uslubga Evropada dosh bera olishmadi. Jamoada iqtidorli futbolchilar jamlangandi: Rud Krol, Jonni Rep, Yoxan Neskens, Ari Xaan, Vim Syurbir kabilar total futbol ijrochilari edi. 1971 yilda “Ayaks” ilk marta Chempionlar kubogini qo'lga kiritdi.Bu mexanizmning asosiy murvati va yuragi esa qahramonimiz Yoxan Kroyf edi. Uning barcha individualfutbolchilik xislatlari jamoa o'yiniga mos tushibgina qolmay, jamoaning haqiqiy etakchisiga aylantirishga yordam berdi. U jamoa manfaatlari undan qaysi pozitsiyada o'ynashni talab etsa, o'sha joyda o'ynab ketaverardi. Kroyfning golni his etishi va istagan pozitsiyadan to'p kirita olish qobiliyati uni jamoa goleadoriga aylantirdi. Yoxan “Ayaks” tarkibida uddalagan ishlar orasida noyob tarzda amalga oshirilgan penaltini aytib o'tish mumkin. Jamoadoshi Yesper Olsen bilan birgalikda ijro etgan penaltisi “kroyfcha futbol”dan bir namuna edi. Yoxan Kroyf futbol olamini u yoki bu yangiliklar bilan hayron qilishdan charchamasdi. Kroyf va Ko. yana ikki marta ketma-ket Evropaning tengsiz klubi bo'ldi. Jumladan, 1972 yilda Rotterdamda o'tgan finalda Kroyf ikkita goli bilan jamoasiga kubokni olib berdi, musobaqa to'purari bo'ldi.
“Ayaks” futbolchilari Chempionlar kubogi bilan, 1972 yil
Yoxan Kroyf faoliyatidagi ikkinchi muhim jamoa bu “Barselona” edi. Nafaqat unda ishtirok etgani uchun, balki bu klub Kroyning futbolchilik hayotida o'chmas iz qoldirgan uchun ham. “Ayaks”ga total futbol g'oyasini singdirgan murabbiy Rinus Mixels 1971 yilning ikkinchi yarmida Barselonaga yo'l olgandi. 1973 yilda Kroyf ham Kataloniyaga jo'nadi. Gollandiyalik iqtidor “Barselona”ga o'sha payt uchun rekord qiymat – 900 ming funtga tushdi.
Yoxan Kroyf “Barselona”da, 1974 yil
Y.Kroyf bilan shartnoma tuzgan “Barselona”ning o'sha paytdagi ahvoli maqtanarli darajada emas edi. Pul bor edi, lekin o'yin sifatida bu aks etmasdi. Doim nimadir etishmayotgandek ko'rinardi. “Ko'k-anorranglilar”ning muxlislari klubning yorqin kelajagini aynan Kroyf bilan bog'lay boshlashdi. Yoxan haqiqiy professional sifatida butun ishni o'z qo'liga oldi va buning natijasida jamoaning o'yini keskin o'zgardi, samaradorlik oshdi. “Barselona”dagi ilk mavsumidayoq Kroyf jamoani chempionlikka olib keldi. Bu Primerada 1960 yildan beri erishilgan birinchi g'oliblik edi. So'nib va so'lib borayotgan “Barselona”ni oyoqqa turg'azgan Yoxan Kroyf o'sha davrlarda Eysebio, Gerd Myuller, Frants Bekkenbauer, Oleg Bloxin kabi yulduzlar tishlarini g'ichirlatib turganida uchinchi marotaba Evropaning eng futbolchichi unvoniga sazovor bo'lib, jahon futboli olimpini zabt etdi.
Yoxan Kroyf “Oltin to'p”bilan, 1973 yil
“Barselona”dagi ajoyib beshta mavsumdan keyin Kroyf AQShga yo'l oldi. Shimoliy Amerika chempionatida u “Los-Anjeles Atsteks”, “Vashington Diplomats” jamoalarida o'ynadi, liganing eng yaxshi futbolchisi unvonini qo'lga kiritdi. Futbolchi sehrli diyorda uchta mavsumni o'tkazib, Evropaga yo'l oldi. U avvaliga Ispaniyaning “Levante”sida 10 ta uchrashuvda maydonga tushib, so'ngra ona yurtiga qaytib keldi. “Ayaks” va “Feyenord”da o'ynab, yana barchani hayratlantirdi. Kroyf o'zining 34 yoshida hujumda o'ynab, muhim gollari bilan jamoasi g'alabalariga hissa qo'shdi. 1982 va 1983 yillarda amsterdamliklarni Gollandiya chempionligiga olib keldi,1984 yilda esa “Feyenord” tarkibida mamlakat chempioni bo'ldi, o'sha yili jamoa bilan Gollandiya kubogini qo'lga kiritdi.
JCh-74, Y.Kroyf germaniyalik himoyachilarga qarshi
1966-1977 yillar davomidaYoxan KroyfGollandiya terma jamoasi tarkibida 48 ta o'yinda qatnashib, 33 ta to'p kiritdi.Kroyf faqat bitta Mundialda - 1974 yilda Germaniyadagi jahon chempionatida qatnashgan edi. Bundan bir necha yil avval total futboli bilan qit'a klublarini titratgan murabbiy Rinus Mixels dunyo futbol ahlini yana o'z uslubi bilan hayratlantirdi. Ko'pchilik muxlislar tarixdagi eng kuchli jamoa deb 1974 yilgi Gollandiyani aytishadi. Balki shundaydir. O'sha davr uchun yangi futbol modasini joriy etgan “uchar gollandlar” oldida yana barcha qaltiray boshladi. Argentina, Urugvay, Bolgariya, amaldagi jahon chempioni Braziliya...
JCh-74: Yoxan Kroyf Argentina termasiga gol urmoqda
Har qanday g'oyani amalga oshirish uchun yaxshi ijrochi kerak. Hamma sohada ham shunday. 1974 yilda G'arbiy Germaniya maydonlarida gollandlarning ko'rsatgan o'yini fantastik futbol, aql bovar qilmas texnika va hali echimi topilmagan taktika, deya baholandi. Jamoa futbolchilari shu g'oya bilan kurashga otlangandi. Ularning orasida Yoxan Kroyf ajralib turardi. Ajoyib dribling va aniq pas ustasi, jamoa sardori va yuragi Kroyf zafarli odimlar ilhomchisi edi. Finalda gollandiyaliklar puxta shakllangan Germaniya termasiga kichik farq bilan mag'lub bo'ldilar. Shunga qaramay, Yoxan Kroyf 1974 yilgi jahon chempionatining eng yaxshi futbolchisi, deb topildi, yil oxirida esa “Oltin to'p” sovrinini qo'lga kiritdi.
“Barselona” murabbiyi Yoxan Kroyf
Kroyf 1986 yilda murabbiylikishiga o'tdi. Ikki mavsum qadrdon jamoasi “Ayaks”ni boshqardi. Jamoa bilan 1986, 1987 yillarda mamlakat kubogi, 1987 yilda esa xalqaro sovrin - Kubok egalari kubogi qo'lga kiritildi. 1988 yilda esa u “Barselona”ga trener etib tayinlandi. Uning boshqaruvchidagi 8 ta mavsum katalon klubi tarixida eng yorqin sahifalardan biri bo'ldi. Kroyf tuzgan jamoa “drim tim” – “orzular jamoasi” degan nom oldi. Andoni Subisaretta, Xose MariBakero, Mikael Laurdrup, Jozep Gavrdiola, Xristo Stoichkov, Romario kabi yulduzlardan tarkib topgan jamoa ketma-ket 4 marotaba Ispaniya chempioni bo'ldi, bir marta mamlakat kubogini qo'lga kiritdi. 1992 yilda “Uembli” arenasida Italiyaning “Sampdoriya” klubiga qarshi kechgan Chempionlar kubogi finalining oxirgi daqiqalarida Ronald Kuman tomonidan urilgan g'alaba goli Kroyf olib borgan ishlarining mantiqiy natijasi, klubga singdirgan taktikasining chinakam zafari edi. “Futboldan barcha - tomoshabinlar ham, futbolchilarning o'zi ham zavq olishi kerak.Futbol,eng avvalo, tomoshadir. Aks holda u futbol bo'lmay qoladi”, degan edi buyuk golland.
Murabbiy Y.Kroyf va futbolchi J.Gvardiola
Yoxan Kroyf faoliyati davomida 752 ta o'yinda maydonga tushib, 425 ta to'p kiritdi. Uch karra “Oltin to'p” sohibi, futbolchi sifatida uch marotaba, bir marta esa murabbiy bo'lib Evropa chempionlar kubogi yutdi, Gollandiyaning 20-asrdagi eng yaxshi futbolchisi, deb tan olindi.
Vaqt hech kimni ayab o'tirmaydi. Agar sen u bilan o'ynashmoqchi bo'lsang, tamom bo'ldim, deyaver. Xendrik Yoxannes Kroyf, futbol muxlislari uchun oddiygina Yoxan Kroyf uzoq yillar davomida chekish bilan kurashib keldi. U tinmay sigaret chekardi. Oxiri kasallik o'z so'zini aytdi. Buyuk golland 2016 yilning 24 martida Barselonada oilasi davrasida 68 yoshida o'pka saratonidan vafot etdi.
Yoxan Kroyf
Kroyfning o'yinlarini ko'rgan avlod vakillaridan ko'pi bu hayotdan o'tib ketdi. Gollandiyalik futbolafsonasi haqida bitilgan ko'plab kitoblar, maqolalar, filmlar, xotiralar qoldi. Albatta, 70-yillardagi futbolni bugungisi bilan solishtirib bo'lmaydi. Biroq hech kim inkor etolmaydigan bitta haqiqat bor: Yoxan Kroyf jahon futbolida o'lmas meros yaratgan tarixiy shaxs, buyuk novator va inqilobchi bo'lib qoladi.
Mana, Kroyfni bugun bir xotirlab, suhbatlashib hamqo'ydik. Gollandiya va jahon futboli yulduzi, afsonaviy Yoxan Kroyf hayot bo'lganida bugun 70 yoshga to'lgan bo'lar edi...
Nodir MIRHODIEV
— deya xabar beradi uff.uz nashri.
Bosh sahifaga
511