Madridning «Real» klubi rahbariyati yangi murabbiy qidirmoqda. Agar Zidan jamoa boshqaruvida Ispaniya chempionati yoki Chempionlar ligasida g'olib chiqa olmasa, iste'foga chiqarilishi mumkin.
Xabar qilinishicha, madridliklar qiziqish doirasida Germaniya terma jamoasi bosh murabbiyi Yoaxim Lev bor. Shuningdek «Chelsi» ustozi Antonio Konte va «Tottenxem» boshqaruvida turgan Maurisio Pochettino ham «Real»ga taklif etilishi mumkin.
Eslatib o'tamiz, Germaniya futbol ittifoqi Yoaxim Lev bilan  2020 yilga qadar davom etishi ko'zda tutilgan yangi shartnoma imzolagan. «Real» o'tgan mavsum Zinedin Zidan boshqaruvi ostida Chempionlar ligasi va UEFA Superkubogida g'alaba qozongan.
Shuningdek dekabr oyida klublar o'rtasidagi jahon chempionatida ham «Real» g'olib chiqqan edi.
— deya xabar beradi uff.uz nashri.