"Real" yutqazdi. Kimdir kimni tabriklagan, yana kimdir kimnidir ustidan kulayapti. Bu narsa biz uchun odatiy xolga aylanib ulgurgan. Xar bir ishxonada, xar bir institutda, boringki maktablarda xam shu xolat. Qayga bormang  «Barselona»ni eki «Real»ni o'yinlarini, turnirdagi egallab turgan joyiniyu, Messini nimalar qilayotganini, Ronalduni kim bilan uchrashayotganiyu, kimni nechta mashinasi borligini, qancha pul topayotganini muxokama kilayotgan bo'ladi. Ommaviy axborot vositalari  –  sport gazetalari, futbolga oid saytlarda, tashrif buyuruvchilar sonini ko'paytirish maqsadida «real-barsa» qarama-qarshiligi to'g'risida yozishadi. Bu biz uchun shunday bir «illat»ga aylanganki, Real yutqazgan yoki Barsa yutqazib qo'ygan kuni ko'chaga chiqishga, xattoki ishxonaga borishga bezillaysiz. Eng achinarli tomoni, uydagi kichkina bolakaylar xam yoki Messini, yoki Ronalduni muxlisi.
 Xo'sh, bularni kelib chiqishiga sabab nima?  Keling sabablarni axtarib ko'ramiz.
 Odatda bola tarbiyasida, bola uyda topa olmagan narsasini, aytaylik, quvonch, yupanch deymizmi va xokazo…, xullas shu narsalarni tashqaridan qidirishga xarakat qiladi. Ko'chadan qidiradi va natijada o'sha ko'cha tarbiyasiga kirib ketadi. Ota-onani vaqtida e'tibor qila olmaganligi natijasida bir bolani tarbiyasi buzilib ketadi. Bu gaplarni mavzuimizga nima aloqadorlik tarafi bor deb o'ylarsiz? Bizni futbol muxlislari ancha yillardan buyon o'z futbolimizdan «yupanch», «quvonch»larni topa olmayapti. Terma jamoamizda katta g'alabalar yo'q, ichki chempionatimizni ko'rgisi kelmaydi odamni. Klublarimizni xalqaro maydondagi o'yinlariniku aytmasa xam bo'laveradi. Vaqti-vaqti bilan viloyatimiz bosh jamoasi ishtirokidagi o'yinlarni stadiondan turib kuzatamiz, agar shunda xam mabodo o'sha o'yinlar dam olish kunlariga qo'yilsa, bo'lmasa shu xam yo'q. Endi komandamiz g'alabalar qozonyapti deb xursand bo'lib turgan joyimizda, kutilmagan va «g'aroyib» tarzda, o'z maydonimizda «allaqaysi» komandaga mag'lub bo'lamiz. Gazeta va futbol saytlarida qaysidir o'yinlar kelishilgani, kimlargadir qattiq choralar ko'rilishi xaqida yozishadi, bong uriladi. Vaqtinchalikka bo'lsa xam muxlislarni «yupatish» uchun. Natija esa yo'k, bir qo'shiq matni singari «…..xar baxorda shu bo'lar takror…». Bu xolat xar yili deyarli takrorlanadi, o'rganib kolganmiz. Xo'sh, bechora alamzada muxlis nima qiladi, albatta Evropa chempionati o'yinlarini tomosha qiladi. Kimga keragi bor xozirgi kunda ortiqcha asabbuzarlikni, mazza qilib televizordan xaqiqiy o'yinlarni tomosha kiladi. O'z-o'zidan ixtiyoriy-majburiy tarzda yoki “real”larga, yoki “barsalar”ga muxlislik qiladi. Ronalduni rasmlarini xonasiga olib kelib iladi, Barselona futbolkasini sotib olib, kiyib futbol o'ynaydi. Xech qachon Mirjalol yoki Odil Axmedovni rasmi tushirilgan kalendarni sotib olib ilib qo'ymaydi, yoki bir do'konga kirib milliy terma jamoamiz futbolkasini(agar sotuvda bo'lsa) sotib olmaydi.
Xo'sh, bizda deyarli illatga aylanib borayotgan barsachi - realchi qarama-qarshiliklaridan qutulishni iloji bormi? Balki shu yagona ovunchimizdan kechish niyatimiz yo'qdir?
Menimcha, bularni faqat va faqat, milliy terma jamoamizni g'alabalari davolaydi, yurtimizdagi barcha realchi va barsachilarni yagona muxlislik kiladigan jamoasi bu – milliy terma jamoa! Fakat milliy terma o'yinlari kunigina butun o'zbek ishqibozlari yakdil bo'lib faqat bitta jamoaga muxlislik qilishadi, faqat milliy jamoa o'yinlaridagina, chipta sotib olish kabi o'ta qiyin bosqichlarni mardonavor engib o'tib, butun O'zbekistondan poytaxtga muxlislar yopirilib borishadi. Faqat milliy terma jamoa o'yinidagina poytaxtdagi xuvillab yotgan stadionlar to'lib toshadi. Faqat milliy terma jamoa o'yini kuni yoki uni ertasiga ishxona, maktab va boshqa muassasalarda o'z jamoamizni o'yini muxokama qilinadi, muxokama qilingandaki, xamma yakdil fikr, bir taraf bo'lib muxokama qilishadi.
Terma jamoamiz 2018 yilgi Rossiyada o'tkaziladigan futbol bo'yicha jaxon chempionati saralashini xal qiluvchi bosqichida. Biz chin yurakdan xar kuni milliy terma jamoamiz g'alabalarini muxokama qilishni xoxlaymiz. Biz muxlislarga bunday quvonchni kim taqdim etishi mumkin - buni bilmayman, faqat o'sha inson kim bo'lsa xam undan so'rab qolardim : «Iltimos, bizga shunday quvonch baxsh eting…» Obidjon
— deya xabar beradi uff.uz nashri.