Madridning «Real» klubi rahbariyati yarim himoyachi Isko bilan 2022 yilga qadar davom etishi ko'zda tutilgan yangi shartnoma imzolamoqchi. Unga ko'ra 25 yoshli futbolchining maoshi ikki barobar oshiriladi.
Klub va futbolchining agenti Pako Alarkon dastlabki muzokarani o'tkazib bo'ldi. Xabar qilinishicha, Isko yozda yangi shartnoma imzolaydi va yiliga 6 million evro maosh oladi. Eslatib o'tamiz, yarim himoyachi joriy mavsum Ispaniya chempionatida 26 uchrashuvda maydonga tushib, 9 ta gol urgan va 5 ta golli uzatmani amalga oshirgan.
— deya xabar beradi uff.uz nashri.