«Sevilya» bosh murabbiyi Xorxe Sampaoli mavsum yakunlanmaguncha Argentina futbol federatsiyasi (AFA) bilan muzokara olib bormasligini alohida ta'kidladi. «Bilaman, qiziqish bor. Buni inkor qilish - ahmoqlik. AFA meni tanlagan ekan, mavsum oxiriga qadar sabr qilsin. Axir hozir muzokara o'tkaziladigan bo'lsa, «Sevilya»ga zarar etishi mumkin. Bunga esa yo'l qo'yolmayman. Murabbiy tovon puli to'lansa, xuddi futbolchi kabi ketishi mumkin. Biroq avvalo, «Sevilya»ning niyatini bilmoqchiman. Klub prezidenti bu masalada mavsum tugaganidan keyingina gaplashishini aytgan»,-dedi Sampaoli Football Espanaga bergan intervyusida. Oldinroq Sampaoli 1,5 mln. evro miqdoridagi tovon puli evaziga «Sevilya»dan ketib, Argentina milliy jamoasi boshqaruvini qo'lga olishi mumkinligi haqida xabar tarqalgandi.
— deya xabar beradi uff.uz nashri.