Bugun milliy terma jamoamiz KXDRga qarshi muhim o'yinda maydonga tushadi. Ushbu o'yin oldidan mutaxassislarni fikrlari bilan qiziqib ko'rdik. Xususan tajribali mutaxassis Furqat Esonboev ham bu boradagi fikrlarini UFF.uz internet portaliga bildirib o'tdi.
- Men ham hamma qatori mazkur uchrashuvni kutyapman. Chunki bu o'yin guruhda kim birinchi bo'lishini ta'minlab beradi. KXDR terma jamoasi ilk bahsda g'alaba qozongandi. Bilasizmi, raqibni ko'pchilik kuchsiz deyishmoqda. Lekin koreya futboli baribir kuchli hisoblanadi. Ayniqsa, bu mamlakatda o'yinchilarni xuddi aksarlarga o'xshatish mumkin. Tartibga e'tibor nihoyatda katta. Bu esa bizga qiyinchilik keltirib chiqarishi mumkin. Shunga raqibni kuchiga to'g'ri baho berish lozim. Aks xolda futbolda bitta kichik xato ham boshqacha ta'sir qiladi.
- Aytingchi, bu raqib bizga qiyinchilik keltirib chiqarish mumkinmi?
- Bo'lmasamchi! Boya aytib o'tgandimdek, raqibimiz Toshkentda shunchaki kelmasligi aniq. Negaki, ular ham guruhda birinchi bo'lishni istamoqda. Shuni hisobga olib, shimoliy koreya jiddiy tayyorgarlik ostida keladi. Qolaversa, ular himoyaviy o'yin uslubini tanlab, barcha zonalarini berkitishga va hujumlarni tashkil qilishimizga halaqit qilishi aniq. Lekin bizni xursand qiladigan tomoni bor. Terma jamoamiz so'nggi o'yinlarni muvaffaqiyatli o'tkazmoqda. Bahrayn, Filippinga qarshi o'yinlarda ko'rdiki, o'sish bor. Yigitlar oldida turgan mas'ulyatni his qilishni boshladi. Demak, KXDRni ham yutishiga ishonchim komil.
- Ushbu raqibni engsak, guruhda birinchi bo'lim imkoniyati oshadimi?
- Aytish joizki, guruhdagi asosiy raqibimiz so'zssiz KXDR termasi hisoblanadi. Yaman, Filippin, Bahraynga qarshi o'yinlarda ochko olishimiz mumkin. Qolaversa, Bahrayn va Fillipinni uyda qabul qilamiz. Bu esa ustunligimiz oshirmasdan qolmaydi. Oldinda turgan raqibni engsak, futbolchilarda yana ishonch ko'tariladi. Xullas, bu uchrashuvni g'alaba qozonishimiz lozim.



— deya xabar beradi uff.uz nashri.