“Barselona” etakchi futbolchilaridan biri Lionel Messi “el-klasiko” bahsida tishidan ayrilgandi. Klub matbuot xizmatining xabariga ko'ra, Messi jarohatlanganiga qaramay, bugun umumiy guruh mashg'ulotlarida qatnashgan. Bugunga qadar Messi shunchaki jismoniy mashqlarni yakka tartibda o'tayotgandi va uning Ispaniya chempionati 34-turidan o'rin olgan “Osasuna”ga qarshi uchrashuvda maydonga tushishi so'roq ostida edi. Marca nashrining xabariga ko'ra, 26 aprel kuni bo'lib o'tadigan “Barselona” – “Osasuna” uchrashuvida kataloniyaliklarga Aleish Vidal, Rafinya Alkantara, Jeremi Matyo va Neymar kabi futbolchilar yordam bera olishmaydi.
— deya xabar beradi uff.uz nashri.