“Yuventus” hujumchisi Paulo Dibala turinliklar bilan 2022 yilning 30 iyuniga qadar shartnoma imzolagan bo'lsada, turli hil OAVlar argentinalik futbolchini goh “Real” yoki “Barselona” futbolchisiga aylanishi haqidagi xabarlarni tarqatishdan charchashmayapti. “Barselona” sport direktori Robert Fernandes Dibalaning transferi haqidagi savollarga javob berdi. “Bizda Messi, Neymar va Suares uchligi mavjud. Ular – dunyoning eng kuchli futbolchilari hisoblanishadi. Dibala? Paulo – ajoyib iste'dod egasi. Lekin u bilan shartnoma tuzish bo'lajak rejamizda yo'q”, - deydi Fernandes Goal nashriga bergan intervyusida.
— deya xabar beradi uff.uz nashri.