Ijtimoiy tarmoqlarda terma jamoa tarkibi haqida turfa ijobiy ham salbiy fikrlarni ko'p o'qiyapmiz. Darhaqiqat, bosh murabbiy tomonidan terma jamoa safiga chaqirilgan bir qator  o'yinchilar ko'pchiligimizni qoniqtirmas. Lekin, unutmaylik bugun maydonga  kim bo'lishidan qat'iy nazar Vatan jamoasi tushadi. Demak, bugun har qanday vaziyatda  barcha ishqibozlar bir maqsad yo'lida birlashadilar.  
Dunyoda tanlanmaydigan narsalar bor... Xuddi, ota-ona kabi Vatanni ham tanlab bo'lmas.
Kindik qoning to'kilib, ilk bora atak-chechak qilgan zamin, padaring, volidang, qondoshlaring, yaqinlaring bor joydir – Vatan! Onang non yopadigan  tandir,  erta bahordagi sumalak, bobongni ter hidi keladigan qadrdon to'nidagi is - bularni barida Vatan aksi bor!
Bugun yurtim yigitlari - O'zbekiston sharafini himoya etish uchun maydonga tushishadi. Millionlab muxlislar nomidan ularga Vatan ishonchini oqlashlarini tilab qolamiz!   
Yillar o'tib ortib qoldi tajriba,
Odil, Sardor sizning emas, bu yog'i,
Siz bergan zarbalardan gollar eb-a,
Raqiblarning qaltirasin oyog'i!
Qo'llab turar sizni endi o'sha dam,
Jonajon yurt hilpiragan bayrog'i,
Alpomishdek kurashing, bo'ling bardam,
Raqiblarning qaltirasin oyog'i!
Boshlab boring ukalarni olg'a deb,
Mador bo'lsin oshlardagi qo'y yog'i,
Yurgansizku choyxonada palov eb.
Raqiblarning qaltirasin oyog'i!
Ona yurt daldasini turing eslab,
Pand bermasin tanangizning charchog'i,
Zarba bering to'sin ostini ko'zlab,
Raqiblarning qaltirasin oyog'i! Elmurod ERMATOV, Alisher NORBOBOEV (ALBARS)
— deya xabar beradi uff.uz nashri.