“Oq-tepa” uchun omadli kelayotgan 2015 yilgi mavsumda ko'plab futbolchilarimiz navbatma-navbat turli yoshdagi terma jamoalarga taklif qilinmoqda.
 
Xususan, shu kunlarda Bangladeshda bo'lib turgan O'zbekiston yoshlar terma jamoasi Osiyo chempionati saralash o'yinlarida ishtirok etmoqda. Jasur Abduraimov murabbiyligidagi yoshlarimiz bugun guruhning so'nggi uchrashuvida mezbonlarga qarshi maydonga chiqadi. Biz uchun ahamiyatlisi, yoshlar termasi safida “Oq-tepa”ning iqtidorli himoyachisi Tursunboy Rahimberdiev ham bor.
 
Yanvar oyida Qatar poytaxti Doha shahrida tashkil qilinadigan Osiyo chempionatida ishtirok etadigan O'zbekiston Olimpiya terma jamoasi shu hafta oxirida Toshkentda yig'in o'tkazadi. Viktor Jalilov murabbiyligidagi olimpiyachilarimizning uch kunlik yig'iniga “Oq-tepa” hujumchisi Temur Hakimov ham taklif etilgan.
 
Biz har ikkala futbolchimizning ham terma jamoalardagi faoliyatiga omad tilaymiz!
— deya xabar beradi uff.uz nashri.