«Real Madrid» – 32 martta Ispaniya chempionaligi, 11 bor Ispaniya Kubogi sohibi hisoblanadi. Evropadagi hech bir klub bu natijalarga erisha olmagan. «Real Madrid» – o'z navbatida oliyjanob klub, buyuk tarixga ega imperiya. Bu «Real» va ulardan «Real»ga hos xarakter ko'rsatmaslikni so'rash mumkin emas. Yakshanba kunidagi Klasikoda ham «Madrid» ana shu mantiqqa asosan to'p surdi. Kamchilik bo'lib qolgan mezbonlar muvozanatni tiklashga erishdilar va g'alabani ilib ketishlariga ham bir bahya qoldi. Xamesning golidan so'ng «Real Madrid» o'zi uchun qulay hisoblangan durangni ushlab qolish uchun emas, g'alaba to'pini kiritish uchun harakat qildi. Ushbu vaziyatda boshqa jamoalarning kamida 90 %i o'yin suratini tushirib, himoyaga qaytgan va «Barselona»ning gol urish imkoniyatini pasaytirishga haratkat qilgan bo'lardi. Unday bo'lganda o'yin katta ehtimol bilan «Barsa» uchun mag'lubiyatga teng bo'lgan durang bilan tugardi. Ammo, «Real Madrid» – bu «Real Madrid» va ularning qonida faqat maksimal natijaga erishish ishtiyoqi jo'sh uradi. Zinedin Zidan shogirdlari uchun eng printsipial raqibga qarshi o'yindagi g'alabaga bo'lgan intilish va o'z jamoasini faqat oldinga borishga undab turgan «Santyago Bernabeu»dagi muxlislarning istagi durangdan ko'ra muhimroq edi. Ushbu holatda toshbaqa va chayon hikoyasi esga tushadi: Chayon toshbaqadan daryoning narigi qirg'oqqa o'tkazib qo'yishini so'raydi. «Sen meni chaqmaysanmi?», - so'raydi toshbaqa. «Yo'q, albatta. Seni chaqadigan bo'lsam, unda ikkimiz ham suvga g'arq bo'lamizku», - deya javob beradi chayon. Toshbaqani mana shu narsa ishontiradi va u chayonni narigi qirg'oqqa o'tkazib qo'yishga rozilik bildiradi. Biroq, daryoning o'rtasiga yaqinlashib qolganlarida chayon kutilmaganda toshbaqani chaqib oladi. «Sen aqldan ozganmisan?», - deya baqirdi toshbaqa. – «Hozir ikkimiz ham cho'kb ketamizku!» Chayon toshbaqaga diqqat bilan qaradi va shunday dedi: «Men hech narsa qila olmayman – mening xarakterim shunday». «Real Madrid» o'zligicha qolib, g'urur ila o'limni tik turgan holda qarshi olishni ma'qul ko'rdi. Bu chiroyli, yorqin va haqiqatda Qirollik klubiga hos bo'lgan o'yindir. Mana nima uchun biz «Real Madrid»ni sevamiz. Ha, jamoa chempionatdagi o'z vazifasini qiyinlashtirib yubordi, ammo «qaymoqranglilar» o'zlari sabab sodir bo'lgan qiyinchiliklardan chiqib keta olganlarini bir necha bor guvohi bo'lganmiz. Ular bu holatdan ham g'urur ila chiqib ketishlariga ishonamiz. HALA MADRID!!! Manba: Marca.som
— deya xabar beradi uff.uz nashri.