Bugun “Alyants Arena” stadionida Germaniya kuboki yarim finalidan o'rin olgan “Bavariya” va Dortmundning “Borussiya” klublari o'rtasida uchrashuv bo'lib o'tadi. Uchrashuvdan oldin “Bavariya” bosh murabbiyi Karlo Anchelotti “Maynts”ga qarshi uchrashuvda jarohat olgan David Alabaning ahvoli haqida fikr bildirdi. “Mamlakat kuboki biz uchun katta ahamiyatga ega. “Bavariya” ushbu musobaqada bosh sovrinni qo'lga kiritishni maqsad qilgan. “Borussiya” biz uchun doim xavfli jamoa hisoblanadi.   Alaba? Tavakkal qilishni istamayman. Agar u 100 foiz o'yinga tayyor bo'lsa ham maydonga tushmaydi”, - deydi Anchelotti “Bavariya” rasmiy saytiga bergan intervyusida.
— deya xabar beradi uff.uz nashri.