Bugan katta o'yin bor. Darhaqiqat u muhimligi jihatdan judayam katta. O'zbekiston milliy terma jamoasi poytaxtimizda KXDR termasini qabul qiladi. Bu oddiy o'yinmas. O'rtada JCh-2018 chiptasi turibdi.
Mamlakatimiz bo'ylab kuz fasli kezayotgani bois, yomg'irli ob-havo hukmrondir. Ertalabdan yoqqan yomg'ir biroz dillarga unchalik futbol kayfiyatini bermagan bo'lsada, baribir qalbimiz tubida termamiz o'yinini tosh yog'sa ham borib kuzataman, degan o'y yotardi.
Buni qarangki, Toshkent uzra quyosh charaqlab ochilib ketdi. Kechgacha shunday bo'lib tursa, futbol uchun ideal sharoit bo'lgan bo'lardi.
Biz yana bir marta ishqibozlarimizni "Paxtakor" stadioniga chorlab qolamiz. Suyukli jamoamizni birgalikda qo'llab-quvvatlaydi.
Quyoshingdan aylanay, yurtim!
Olg'a, O'zbekiston!
— deya xabar beradi uff.uz nashri.