“Amsterdam Arena”ning nomi o'zgaradi. Stadion rahbariyati, “Ayaks” menedjmenti hamda Gollandiya poytaxti davlat amaldorlari joyga Yoxan Kroyffning nomini berish haqida kelishib oldilar.
“Ayaks”ning sobiq hujumchisi va murabbiyi o'tgan yilning martida olamdan ko'z yumgandi. Kroyffning nomi shuningdek Amsterdamdagi ko'cha, maydon, ko'prik yoki boshqa bir joyga berilishi rejalashtirilmoqda.
Kroyff “Ayaks” safida 1964-1973 hamda 1981-1983 yillarda to'p surgan. U amsterdamlik jamoani 1986-1988 yillarda boshqargan.
Hujumchi Gollandiya termasi uchun 48 marta maydonga tushib, 33ta gol kiritgan.
Kroyff o'tgan asrning eng yaxshi futbolchilar biri deb tan olingan. U uch karra “Oltin to'p” sohibi.
Arenaga yangi nom berilgani rasman 25 aprel kuni qayd etiladi. Kroyff roppa rosa 70 yil ilgari tug'ilgan.
— deya xabar beradi uff.uz nashri.