«Chelsi» sardori Jon Terrining mavsum yakunlanganidan so'ng jamoadan ketishi ma'lum bo'ldi. Angliya terma jamoasining sobiq futbolchisi «aristokratlar» safida 20 yildan ko'proq vaqt mobaynida faoliyat olib bordi. U jamoa bilan 4 marta mamlakat chempioni bo'ldi, 5 marta Angliya kubogida, 3 marta liga kubogida zafar quchdi. Ikki marta Angliya superkubogi sohibi bo'ldi. Shuningdek, bir martadan Chempionlar Ligasi va Evropa Ligasi musobaqalarida bosh sovrinni qo'lga kiritgan. - Shuncha yildan so'ng ko'p narsani aytgingiz keladi, - deydi Terri. - Lekin men bu buyuk klubning barcha xodimlariga minnatdorchilik bildirmoqchiman. Murabbiylar, jamoadoshlarim va ko'p yillar davomida qo'llab-quvvatlab turgan muxlislarga rahmat. Kelajagim haqida gapiradigan bo'lsam, keyinroq aniq bir qarorga kelaman. Chunki ayni paytdagi e'tiborim «Chelsi»ga qaratilgan. Joriy mavsum jamoa muvaffaqiyati yo'lida yordam bermoqchiman. Rahbariyat bilan muzokaralar haqida - Aytish joizki, mutasaddilar bilan hamisha yaxshi munosabatda bo'lganman. Jamoadan ketganimdan keyin ham bu holat saqlanib qoladi. Biz shartnomani uzaytirish borasida muzokara yuritdik. Biroq hammasini o'ylab ko'rganimdan so'ng klubni tark etishga qaror qildim. O'ylaymanki, kerakli vaqtda ketyapman. Maydonda hali nimanidir ko'rsatishga qodirman, deb hisoblayman. Ammo «Chelsi»da doimiy o'yin amaliyotiga ega bo'lishim qiyinligini juda yaxshi tushunaman. Yo'limni davom ettirishga va yangi chaqiruvlarga tayyorman. Albatta, bir umr «aristokratlar»­­ning fanati bo'lib qolaman. «Chelsi»dagi o'yinlari haqida DAVOMI InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.