Yarim himoyachi Kristian Atsu “Nyukasl” klubida kelasi mavsumga qolishi mumkin. Ayni damda futbolchi Chempionship vakili safida ijara asosida to'p surgan. U huquqiy jihatdan “Chelsi”ga tegishli. “Nyukasl” yarim himoyachini 6,5 million funtga doimiy asosda o'z safiga qo'shib olish huquqiga ega. Ushbu band mavsum yakunlaganidan so'ng bir hafta o'tib o'z kuchini yo'qotadi. Atsu “Nyukasl” uchun Chempionshipning 30ta bahsida maydonga tushib, 4ta gol hamda uchta golli uzatmaga mualliflik qilgan. Kelasi mavsumda “Nyukasl” Premer-ligaga qaytadi.
— deya xabar beradi uff.uz nashri.