Ispaniya chempionatining 34-turidan o'rin olgan “Deportivo” – “Real Madrid” uchrashuvi o'z nihoyasiga etdi. Unda 2:6 hisobi qayd etilib, madridliklarning yirik hisobdagi g'alabasi bilan tugadi. Uchrashuvning ilk daqiqasidayoq Alvaro Morata madridliklarni oldinga olib chiqqan bo'lsa, 14-daqiqada Xames Rodriges hisobni oshirdi. 35-daqiqada Andone o'rtadagi farqni qisqartirishga erishgan bo'lsa, birinchi bo'lim so'nggida Lukas Vaskes hisobni 1:3 ko'rinishiga keltirib qo'ydi. Ikkinchi bo'lim ham xuddi birinchisidek kechdi, Xames va Iskoning gollariga mezbonlar Xoseluning goli bilan javob qaytardilar. Uchrashuvning 87-daqiqasida Kazemiro jamoasining oltinchi goliga mualliflik qildi. Ushbu g'alabadan so'ng Qirollik klubi vakillari 78 ochko to'plagan holda “Barselona”ni izma-iz ta'qib qilmoqdalar. Ispaniya chempionati, 34-tur Deportivo – Real Madrid 2:6 (1:3, 1:3) Gollar: 0:1 – 1 Morata, 0:2 – 14 Xames, 1:2 – 35 Andone, 1:3 – 44 Vaskes, 1:4 – 66 Xames, 1:5 – 77 Isko, 2:5 – 84 Xoselu, 2:6 – 87 Kazemiro. Deportivo – Lyuks (Tiiton, 46), Arribas, Sidney, Luizinyu, Xuanfran, Bergantinos, Gilerme, Cholak, Xil (Xoselu, 57), Kakuta (Navarro, 46), Andone. Real Madrid – Kasilya, Varan (Texero, 88), Marselo, Danilo, Nacho, Isko (Kazemiro, 79), Kovachich, Asensio (Dias, 79), Xames, Vaskes, Morata. Ogohlantirishlar: Arribas (67), Isko (68), Xoselu (90), Cholak (90).
— deya xabar beradi uff.uz nashri.