"Arsenal" bosh murabbiyi Arsen Venger "Lester" ustidan qozonilgan 1:0 hisobidagi g'alaba haqida fikr bildirdi.
"Biz uchun "Lester"ni sindirish qiyin bo'ldi, ammo xotirjam o'ynadik va raqibga hech narsa qilish imkonini bermadik. Biz bir necha xavfli vaziyatlar o'ylab topdik. Yakshanba kuni katta kuch sarflagan edik va qo'shimcha bo'limlarda ham o'ynaganmiz.
Menimcha Fuks o'yin oxirida sariq kartochka olishi kerak edi, xuddi Sanches singari (Fuks to'pni autdan o'yinga kiritish chog'ida Sanchesning boshiga otgan edi).
Har bir o'yin jamoani formaga kirishiga sabab bo'ladi. Manchester derbisida hech qaysi jamoaga muxlislik qilmayman. Biz boshqalarga qaramay, faqat o'z o'yinimizga qarashimiz lozim", - deydi Venger.
— deya xabar beradi uff.uz nashri.