Madridning "Real" klubi yarim himoyachisi Isko "Deportivo" ustidan qozonilgan g'alaba haqida fikr bildirdi.
"Balki hozir faoliyatimdagi eng yaxshi formadadirman. O'zimni yaxshi his qilmoqdaman va jamoadoshlarim bilan til topishish osonlashgan. Barchasidan xursandman.
Butun jamoa ideal o'yin namoyish qildi va hisob buni tasdiqlab turibdi. Tarkibda 23 nafar futbolchi borligi va hamma ilk daqiqalardan maydonga tushishga shayligi juda yaxshi. Bu rotatsiyalarda ko'rinib turibdi.
Kim maydonga tushishidan qat'iy nazar jamoa to'xtab qolmaydi. "Real" dunyoda eng kuchli tarkibga ega jamoalardan biri", - deydi Isko.
— deya xabar beradi uff.uz nashri.