Futzal bo'yicha O'zbekiston U-20 terma jamoasi shu yilning 29–30 aprel kunlari Toshkent shahrida Eron U-20 termasiga qarshi ikkita nazorat uchrashuvini o'tkazishi kerak edi. Biroq mazkur bellashuvlar eronliklar tashabbusi bilan bekor qilindi. Bu haqda Eron Islom Respublikasi Futbol Federatsiyasi ma'lumot bermoqda.
“Toshkentdagi o'quv-mashg'ulot yig'ini davomida U-20 O'zbekiston futzal terma jamoasi bilan o'rtoqlik o'yini o'tkazmoqchi edik. Biroq ushbu dasturni amalga oshira olmasligimiz ma'lum bo'lgach, O'zbekiston tomoniga telefon orqali xabar qildik. Yuzaga kelgan vaziyat uchun uzr so'ragan holda, kelasi oy Tailandda o'tkaziladigan U-20 Osiyo chempionatidan so'ng futzal bo'yicha O'zbekiston milliy terma jamoasini Tehron shahriga tashrif buyurishlarini iltimos qildik” – deydi Eron Islom Respublikasi Futzalni Rivojlantirish Texnik Qo'mita raisi Abbos Turobiyon.
Eslatib o'tamiz, ushbu bellashuvlar 2017 yilning 16–26 may kunlari Tailandda, tarixda ilk marotaba o'tkaziladigan U-20 Osiyo chempionatiga tayyorgarlik vazifasini o'tab berishi kerak edi. Mazkur chempionatda O'zbekiston termasidan tashqari futzal bo'yicha qit'a birinchiligida Osiyo futbol konfederatsiyasi (OFK)ga a'zo 21 mamlakat terma jamoasi ishtirok etadi.
30 mart kuni bo'lib o'tgan qur'a natijasiga ko'ra, O'zbekiston U-20 termasi «S» guruhidan joy oldi va pley-off yo'llanmasi uchun Qatar, Livan, Myanma va Gongkong yoshlariga qarshi bahs olib boradi.

— deya xabar beradi uff.uz nashri.