«Barselona»ning afsonaviy himoyachisi Karles Puyol Moskvaga tashrif buyurdi. Bundan unumli foydalangan Championat.som sayti muxbirlari futbolchi bilan suhbat uyushtirishdi. Ispaniyalik yulduzni Rossiyaga JCh-2018 hamda Konfederatsiyalar kubogi-2017ning rasmiy banki - «Alfa-Bank» taklif etdi. — Yaqinda «VKontakte» ijtimoiy tarmog'ida sahifa ochdingiz. Ayni payt uni kim yurityapti? — Rus tilida gaplashmayman, shu bois yozuvlarni yordamchilarim joylashadi. Lekin nimani va qachon qo'yishni men hal qilaman. Shunday ekan, o'zim yurityapman, desam bo'laveradi. — Bir yarim oy oldin ham Rossiyaga tashrif buyurgandingiz... — Ha. Afsuski, tashrif ikki kun davom etdi, xolos. Moskva va Sankt-Peterburgda bo'ldim. Bu safar ham uzoq qolmayman. Mamlakat bilan o'zim istagandek yaqindan tanisha olmayapman. Konfederatsiyalar kubogi o'tkazilayotgan payt kelishim aniq. Balki o'shanda Rossiyani yaxshilab o'rganarman. — Ko'p sayohat qilasizmi? — Juda ko'p. Faoliyatimni yakunlaganimdan so'ng bu yanada oson bo'lib qoldi. Hozirda iloji boricha ko'proq sayohatga chiqyapman, xalqaro loyihalarda ishtirok etyapman. — Murabbiy bo'lishni istarmidingiz? — Yo'q, xohlamayman. Ivan de la Penya bilan firma ochganimizdan so'ng ishlarim juda ko'payib ketdi. Bu firma yosh futbolchilar bilan shug'ullanadi. Shu bois ham murabbiylikka vaqt yo'q (Dortmundning «Borussiya» klubi himoyachisi Mark Bartra firma mijozlaridan hisoblanadi — tah.). — Biror-bir jamoadan taklif bo'ldimi? — Faoliyatimni yakunlaganimdan keyin ayrim klublar murabbiy yordamchisi lavozimiga chaqirishdi. Albatta, ularning takliflaridan minnatdorman. Biroq bu ish bilan shug'ullanmoqchi emasman. — «Barselona» chaqirsa-chi? — U erda shundoq ham rahbarlar va murabbiylar yaxshi ishlashyapti. Menga Luis Enrikening uslubi yoqadi. Afsuski, ketishga qaror qildi, u jamoa uchun mos edi. Joriy mavsum «Barselona» qiyinchiliklarni boshidan o'tkazmoqda. Shunga qaramay, mavsumni sovrinlar bilan yakunlashi mumkin. Enrike ham yangi variantlarni qidiryapti, ayni payt uch himoyachi taktikasi qo'llanmoqda. — Lekin muammolar ana shu himoyachilarga bog'liq bo'lyapti. Hujumlarni Jeremi Matyo boshlaydi. Vaholanki, uning birinchi uzatuvi yaxshi emas. Raqiblar esa bundan unumli foydalanishmoqda. — Matyo ancha saviyali himoyachi. Menimcha, uni hurmat qilish kerak. Jeremining to'p oshirishi «Barselona»dagi boshqa himoyachilarnikidan yomon emas. — Xorxe Sampaoli va Xuan Unsue Enrikening o'rnini egallashlari mumkin ekan. Siz «Barselona»ni kim boshqarishini istaysiz? DAVOMI InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.