Yoshlar birinchiligining 8-turida Toshkentda “Paxtakor” jamoasi mehmoni bo'lgan yoshlarimiz 1:3 hisobida imkoniyatni boy berishdi. shu o'rinda futbolchilarimizga biroz omad ham etishmaganligini qo'shimcha qilish joiz. Qolaversa o'yin boshidagi tezkor gol ham vakillarimizning zarariga ishladi. Toshkentliklar esa qo'lga kiritilgan g'alabadan so'ng ochkolari sonini 15 taga etkazib olishdi va musobaqa jadvalida peshqadam bo'lib olishdi. Uchrashuvni mezbonlar hujumkor ruhda boshlashdi. Natijada “Paxtakor” yoshlari birinchi bo'limning teng yarmi o'tgunga qadar ikki bor gol urishga erishishdi. Dastlab, Sodullaev jamoadoshlari boshlab bergan hujumni samarali yakunlab hisobni ochdi. 22-daqiqa o'tib borayotgan bir pallada Georgiy Ahmedov jarima maydoni markazidan aniq zarba yo'llab ikkinchi golga mualliflik qildi. Ikki goldan keyin futbolchilarimiz vaziyatni o'nglash maqsadida oldinga o'tishdi. Lekin, tanaffusga qadar maydon egalari darvozasini nishonga olish nasib etmadi. Ikkinchi bo'lim boshida vakillarimiz “Paxtakor” darvozasini nishonga olishni uddasidan chiqishdi. Abduaziz Sultonov Bilol Toshmirzaevning uzatib bergan to'pini jarima maydonchasi ichida o'ziga bo'ysindirib olgach, 11 metrlardan aniq zarba yo'llashni uddasidan chiqdi. O'yinning keyingi vaqti davomida futbolchilarimiz durangni ta'minlash maqsadida to'p surishdi. Natijada bir qator hujumlar tashkil etildi. Gol urish uchun Ilhom Aliboev, Abduaziz Sultonovlarda yaxshigina imkoniyatlar bo'lishiga qaramay, yoshlarimiz durangni ta'minlovchi golni raqib darvozasiga urishni uddasidan chiqa olishmadi. Aksincha o'yin yakunlanishi arafasida mezbonlar qarshi hujumdan so'ng uchinchi golni urishga erishishdi. “Paxtakor” – “Navbahor” – 3:1 (2:0). 27 aprel. Qibray. 104 tomoshabin.
Gollar: B.Sodullaev (11), G.Ahmedov (22), A.Sobirjanov (89) – A.Sultonov (48),
"Paxtakor": H.Jo'raev (U.Hamroev, 46), I.Turg'unboev, J.Ermamatov, I.Yo'ldoshev, G.Ahmedov (B.Soatov, 81), S.Sattorov, K.Saidazimov, J.Yusupov (R.Jo'raev, 67), B.Sodullaev, D.Ibrohimov (A.Sobirjonov, 46), Sh.Mahmudhojiev (I.G'anixonov, 60).
"Navbahor": I.Obidjonov (N.Ashurmatov, 46), J.Olimjonov, H.Yunusov, M.Abdullaev (Sh.Hamidov, 54), B.Toshmirzaev (Yu.Abduvohidov, 79), A.Mamadaliev (I.Abduraimov, 68), I.Boydadaev, A.Sultonov, I.Siddiqjanov, I.Aliboev (A.Sobirov, 86), A.Nishonboev.
Ogohlantirishlar: S.Sattarov (18), K.Saidazimov (75), R.Jo'raev (90) – A.Mamadaliev (30), H.Yunusov (90 + 2).
Chetlatish: K.Saidazimov (75).
— deya xabar beradi uff.uz nashri.